20180109 - (◍•ᴗ•◍)凍凍

1月8日至10日星期一至星期三
呢幾日天氣好凍，星期一朝早仲有成20度，放工返家得返11度，好少咁凍，宜家屋企向北覺得凍咗好多。
BB睇電視時，都同佢冚張被被。
BB一邊嘆奶，一邊睇電視好開心。



星期日同BB影證件相，星期一先記得拎。
好大個仔呀。

天氣凍凍，屋企張地氈好有用啦，坐喺地下HEA腸電視好開心，好C服。

今次氣溫跌到個位數咋，真係唔係講笑。

日間都上唔到十度，好耐冇試過，宜家天氣凍時，夜咗得我一個，都幾凍好淒涼，好彩沖涼有浴室寶。好暖，可以慢慢搽LOTION。

星期二本身食TEA唔想食嘢，但天氣凍都要食個北海道乳撻打底，捱不到4點呢，呢個星期一至買東海堂咖啡/奶茶都會$9，食個撻同嘆杯啡等TEA來。

天氣太凍，冇跑步了，因為太凍，吸冷空氣好辛苦，日日喺屋企跳舞算數。