20180107 - ⊕蛋糕+ 玩具反斗城⊕

1月6日-7 日
星期六至星期日
星期六熊人瞓到好晏，我同BB玩玩。
兩點幾BB豬了，我同熊人就落街行吓買餸，飲咖啡(有FREE DRINK)
先去富輝食車仔麵，都幾好食呀。
行吓街，熊係咁睇波鞋，可以睇成粒鐘又唔買╮(╯_╰)╭
焗爐爛了之後冇食蛋糕，好慘，於是就買兩件蛋糕夜晚嘆吓。
BB豬了就兩口子食CAKE。
ITALIAN TOMATO 新蛋糕，紅茶蛋糕，好有茶味，但比較甜。

BLUEBERRY CHEESE TART，好食，CHEESE好實在但唔蘇。今日發現蛋糕加價了，有啲加到$38元件，不過相比起COVA的$43但好細件嚟計，呢間仍然算係好抵食。



星期日，BB七點就起身，點都唔肯瞓，係要我同佢玩。我有鬧佢做咩唔瞓，但之後又好後悔，其實佢只係想父母同佢玩，佢唔識作息定時呢樣嘢。
佢之後都唔肯瞓，我哋唔迫佢啦，照同佢出街，同佢近近地去又一城，因為有玩具反斗城，佢好開心，周圍走同睇嘢，但唔多識睇玩具，成日去睇零食，搞出奇蛋，激死。



之後FOOD COURT竟然有位，所以食埋譚仔先返馬鞍山，食完之後唔肯抱抱，要地地，又要衝去扶手電梯，好危險呀，唯有捉住佢，抱返佢，BB好想地地呢，唔理，要照捉，同佢講玩完，冇啦，佢又好似聽得明，慢慢平伏了。HA
之後去TASTE買完嘢佢就豬了，點知未返到屋企又醒咗，好彩最後佢都肯瞓多半小時。
夜晚熊人煮意粉同爸媽一起吃。之後熊人出去開工，爸媽等我沖完涼先走，星期日就休息一下，唔運動，早點沖涼洗頭。