(◍•ᴗ•◍)日本東北之旅 (8) - 好好食的稻庭烏冬

在快要凍死的情況下，繼續角館的行程，一邊走一邊喊凍，想找點熱辣辣的街頭小食都沒有，

當日有一團日本人著和服四周參觀，好傳統啊，當天天氣冷，和服應該唔會太暖吧，不過著和服的女仕出現在日本武家的照片中又好合襯啊。

 見到店舖就入，賣紀念品都睇吓啦。當取暖都好。日本木屐只會睇唔會買。對日本文化冇咩認識，亦冇咩興趣。

 

 可以俾錢坐人力車，好似仲會介紹啲武家，不過用日文，都唔會識聽啦，嘥氣。

 以下呢個做咩呢？不得了，一定要記住佢，喺我就快凍死時，見到呢個公仔救了我一命，呢間嘢有熱辣辣的無料味噌湯，鍾唔鍾意飲都好，取暖至實際。超熱的。飲完可以頂一陣。

 呢個青柳家應該好出名，好多人參觀，不過又係要俾錢，俾錢都唔會知佢講咩，慳番。

 行到武家屋敷群的尾段，

 見到美術館，美術館都咁殘，趕客咩，又要俾錢先可以入。。。

 成條武家屋敷道就係咁，一條直路，兩邊都是樹，仲有兩旁都是武家，如果有陽光應該會幾靚，不過當日冇陽光，就欣賞綠色算啦。其實都幾清新舒服的。

 沿路走到尾是剛才介紹的美術館，要走就只得走回頭路，沿路走回來，終於回到有食店的地方，有一間好多日本定食的好多好多人，唔想等位，好肚餓...是飢寒交迫才是，就去隔壁的吃烏冬。個牌寫著稻庭烏冬( 稲庭うどん)，冇花冇假，不過好貴，

 1,050 yen 就只有一碗烏冬，冇咩餸，食完都唔多飽，但烏冬質地超滑超好食，我當時直情想過去超市買包烏冬番香港淥呢，

 好貴的烏冬有另一個好處是在最笠笠的店舖取暖，人人都熱到死時，只有我先可以慢慢恢愎番知覺。

 不過一出去唔夠5分鐘，之前的暖氣已消散得無影無蹤。食完飯之後出去再行過，見到個天有一忽藍色，只有一忽，其實個天全日都冇太陽。

行咗一陣，沿路行番出去，因為未到15:49的火車(秋田新幹線小町號こまち(Komachi ))，所以到了觀光中心坐一陣。

 試試自己買飛，15:49 秋田新幹線小町號こまち(Komachi 22)只需要1,660日圓，咁平，仲可以自己揀位坐，自己RESERVE SEAT。

 全日好凍，冇咩叫BEAR BEAR一齊影相，主人都凍死咗，仲點影，上車暖笠笠先叫佢影相。

 秋田新幹線小町號こまち(Komachi )就係呢個樣，好型，好醒目吧。

 呢個就是=香港八達通機咁，拍咭入場，

 好多店舖，汽水機都有佢份架

 應該好通行吧。個公仔幾得意。

 前買了1,660日圓的車票，好似好醒，點知原來係出唔到閘，唔知發生咩事，佢叫我哋show pass 俾佢睇，我show 個JR east pass 俾佢，其實唔係今日用個pass，今日冇chop ，但佢睇一睇就算，究竟咩事？究竟我係唔係坐霸王車？究竟點解由售票處買的飛點解出唔到閘？有冇人知點解呀？可能都係冇人知，永遠只係個迷。

回到盛岡，已經天黑，又係食飯時間，其實當時只係四點幾五點，但天黑就要搵飯食，噚日已經見到呢間嘢個帶子飯模型好正，俾個模型吸引咗入去。

 好喜歡日本定食啲模型，好靚。

 刺身定食模型....流口水ing。

 決定入去食個帶子飯。

 個飯好靚仔，真係有好多帶子，同模型一樣。

924日圓算係咁啦。