╭。☆埃及第二天 – 最古老的梯形金字塔☆。╮

一覺瞓醒都朝早lu，在飛機上睇到吓日出，

刷牙洗面食早餐就等落機，

飛機個窗口有雪花，好明顯係入到空氣，埃及航空真係幾離譜同埋幾唔得，

去到埃及開羅(Cairo)是當地時間七點鐘(原本是六時的，只是因為飛機起飛時delay 了近一句鐘)，當地時間比香港慢五小時，一去到埃及就換錢，機場洗手間得一格，真係幾O咀，人肉行李帶，等行李等半小時都等得哂，已經好好彩啦。

 

開羅居民嘅屋

第一站係去梯形金字塔(Step Pyamid) – Imhotep Saqqara 位於Saqqara (薩卡拉)的一大片墓地(necropolis)，由埃及古王國時期第三王朝的建築師Imhotep為King Djoser所建造的，

小小金字塔係俾個仔

這是世上最古老的金字塔，建於公元前27世紀(2667-2648 BC)，亦是世上第一座石造的建築物，共六階，原本是平頂石墓，後來經過變更就成為了六層階梯金字塔，140x118 公尺，高60公尺，

Bear Bear都有影相架，周圍仲有好多人賣嘢，叫你騎駱駝，而呢啲柱其實已經係新建嘅。

同佢哋影相要收錢架，一蚊美金，呢幅我偷影嘅。

第一站睇金字塔好興奮呢，可惜天氣唔好，好天陰，冇咩色水，仲好大風呢。不過都要影吓相嘅，梯形金字塔係唔可以進入去參觀架，

 

不過可以進入另一個金字塔Titi Pyramid，

 

就可以入去地下墓窒室參觀，入口都幾斜架，入面又焗焗地，唔俾人影相，不過都偷影了幾幅，卡卡，可惜手震ing....之後仲灑咗幾滴雨，埃及係沙漠地區好少落雨，幾滴已經算好大啦！咁都俾我遇到真係唔好彩呀，所以天色咁差囉。