2009年未去過迪迪尼，趁開始有農曆新年活動就去玩啦．
今次算係好早入到去，十二點就到啦！因為我住喺鬼地方，要好耐車程，十二點都算係有史以來咁早啦，一去到就見到好多農曆年嘅裝飾，將啲五代同堂整成個燈籠咁幾得意，
最開心係見到公仔有換衫，Donald Daisy件新衫好清新，
其實應該年年換衫啦，聖誕節唔換新衫真係離哂譜！
除咁同公仔影相之外，當然唔少得去米奇大屋同主人家影相啦，米奇福氣大宅 其實間大屋已經係上年嘢，有幾個月冇咗，聖誕節重新包裝過出嚟，所以已經冇咩驚喜，只係由聖誕裝飾變成賀年裝飾，糕點，
最靚係呢兩條魚，
其餘分別唔大，可能因為咁冇咩人排隊，一點左右，直情冇人排隊，係三四點之後先開始有人排隊，
不過點都要入去行一陣，因為可以同主人家米奇影相，真係好醒目呀，新衫呀，
不過一ｐａｉｒ影相要去番幻想世界，而且係上年衫，失望！
另外有個節目係龍騰鼓舞迎福陣，啲衫好靚，喺美國小鎮大街上表演好似出巡咁，由於唔係一個ｓｈｏｗ 咁距離個台好遠，所以可以影得好開心，好ｃｌｏｓｅ，可惜我去到時，打頭陣嘅美妮已經出咗場，所以影唔得靚，美妮係跳扇子舞架！
米奇就好好多啦，
最鍾意呢張
高飛扮財神就好好笑啦～
今次有個遊戲卡係儲貼紙--八福遊園匯，不過要搵齊八種福氣及所屬嘅圖案再配對先得，拿拿淋搵哂，順便影相都ｏｋ架！
沒有留言:
張貼留言