(￣▽￣)~*暫時收爐

七月十六日(星期一)

annual leave 在家基本上似一個妹仔，斟茶遞水一定唔少得 ，為食阿媽要去麥當當 ，佢竟然食豬柳蛋漢堡，又有蛋，真係好離譜，最慘係佢食完最後果啖先記得，問佢點解仲食蛋，佢只係對住我笑，激死人！一人一杯麥當當新出嘅新地／奶昔，阿媽指明要飲咖啡奶昔（有埋雪糕扮Starbuck），跟餐加＄4.5，我就係Tiramisu新地，十蚊，奶昔好啲，因為雪糕好甜，超級甜！

返到屋企又係咁做，得閒就洗呢樣洗果樣 ，唔知點解原來屋企好多嘢洗，洗到手都白哂！整咗味梅菜蒸肉餅，今日大家都好健康，冇痾冇嘔．即係食唔死人啦！阿爸放工返屋企之後接力，佢話好辛苦，所以暫時收爐啦！因為冇人煮飯，冇理由叫個最遲收工嘅妹仔煮飯架！

最好笑之後我同阿爸齊齊話好攰，阿媽好得戚咁話我哋平日好話佢做家務做得唔妥當o拿？你哋宜家做少少嘢都咁辛苦．．．．又真係幾多嘢做，我寧願返工好過～我開始要讚吓佢，唔好成日彈佢啦！而且我真係覺得自己幾冇用，咩都唔做，好似一個大食懶咁攤喺度！ 好啦！就俾阿媽威番次！聽日開始大家樂見 ！ 買咗零食，之前介紹過嘅暴君，有mini 4 packs，貪佢個包裝得意買咗，又開始勁辣之旅！