Σ( ￣□￣；) 好慘呀

七月十五日(星期日)

呢期啲生活應該會比較苦悶 ，因為會盡量留喺屋企，幫吓阿媽手，雖然都照樣去飲茶，不過就唔食點心，因為點心好多都有 ，好似對傷口冇益，結果只係食咗個滷水拚盆餐，有菜 有麵 ，其實都唔知食唔食得滷水嘢，阿媽話唔怕喎！

 之後食咗件甜品，有三種豆

，有最底層嘅眉豆，中間嘅紅腰豆，最上高唔知係咩豆，不過應該幾有益！

另外買咗條三角骨牛仔褲，佢特別在個褲腳有隻蝴蝶 ，後面袋有個蝴蝶 圖案，不過我平日返工都唔著得，自己又好多牛仔褲啦，唔知著唔著得哂？不過唔買嘢的話應該會悶死！ 

食飽之後返屋企，悲慘嘅生活開始啦 ！隨時隨地等阿媽嗌，斟茶遞水， 

 喺阿媽監督下都整咗餐晚飯食

，其實都係蒸嘢咋，方便嘛！三色蒸水蛋，今日大家都健在冇痾冇嘔，食唔死人吖！之後叫阿爸洗碗  ，幫吓阿媽收衫晾衫 其實冇咩做過，不過做唔慣家務 好想死，做完家務要食返燕窩補番吓先！

因為喺屋企好悶 ，影吓屋企ｄ公仔，真係好多公仔，好多都好耐啦！有啲唔出架啦！遲早可以做古董，雖然多，不過我擺哂入櫃都好整齊，咩公仔都有 ，我真係好濫吓！

今日annual leave ，可能會熨衫，成十年冇熨過衫啦！