✿ ✿ 飲茶✿ ✿

今日同阿爸阿媽三個飲茶，（我有一個阿哥，不過佢已經結婚，唔係一齊住～）由於瞓醒已經是下午，剛剛瞓醒，唔係太好胃口，所以只係食咗燒賣，鮮竹卷，雞包仔，同埋芝麻煎堆仔，仲有我最鍾意嘅ｘｏ醬炒腸粉，我好鍾意食ｘｏ醬腸粉，好好食，不過見到幅相有好多油，又唔知食咗幾多卡路里落肚啦！好彩三個人只係食咗５碟點心，唔飽，應該唔會死嘅！ 

其實我好鍾意飲茶，可惜我阿爸乜都唔鍾意食，例如唔食蝦餃，魷魚呢類高膽固醇嘅食物，因為佢膽固醇超咗標少少，又唔鍾意奶黃包，又唔鍾意煎炸嘢，所以冇乜好食啦！有時叫做啲嘢得我同我阿媽兩個食，好似唔係咁好．．．．．

我寧願同同事去飲茶，因為人多啲，乜都有得食，而且我至愛去公司附近間聯邦皇宮飲茶，佢嘅流沙奶皇包簡直一絕！可惜飲開茶班友唔係冇做，就係炒咗，所以宜家都好少飲茶咯～