20121017 - ╮(╯3╰)╭跑步

2012.10.17 星期三
今日係第四次跑步。
上次一開始跑四個圈係好威，不過之後左邊PATPAT 條筋唔掂，結果之後再行多一個圈，跑多一個圈已收檔

今次唔敢一開始搏盡，一開始跑兩圈，行一圈，再跑兩圈，再行一圈，跑兩圈，行一圈，跑多個半圈就頂唔住。
不過原來不知不覺都跑了七個半圈，行了三個半圈， TOTAL 4,400M
仲未計鬼地方來回球場成粒鐘，次次八點走，差不多十點至返家食飯。

好攰，不過跑完之後好舒服，上幾次都有不同地方的小痛，今次算係冇，跑完好FRESH，暫時忘記了公事。

20121015 - (◍•ᴗ•◍)好開心

20121015 - 小南國
忽然再寫BLOG，雖然可能只有幾粒字都好，
上個星期工作上有煩惱，人變得納悶，結果在FB呻了兩句，
熊就好緊張了，問我係唔係好開心，要同我散心。

真係好需要行開吓，但係宜家真係行唔開。
結果星期六就去遊山玩水。
琴日就同我食好嘢。去了沙田小南國，
食了蟹粉小籠包，皮蛋豆腐，四喜烤夫，竹笙蟹粉翅，小黃魚。
其中最特別係稻草肉，好精緻，用稻草把五花腩肉扎好，有啲似迷你東坡肉
雖然我都成日食好嘢，不過如果日日同熊食好嘢就好肉痛啦。

但係知道咗熊好緊張我真係好開心，仲好感動。
希望工作上的惡夢快啲過去，因為真係好難頂。

20121014 - ◇◆Pantry on board◆◇

10月14日星期日

昨晚熊又出去錄音。
錄到三更半夜。

第二日自然就晏起身。
日上三竿至出來。

唔知去邊，去了GOLD COAST。
以前從來唔會去GOLD COAST，因為一個喺東一個喺西，
同熊一齊之後就成日來，
第一次同熊來GOLD COAST 好似係聖誕節附近。
就係來呢間pantry on board。食意粉食PIE。
其實黃金海岸都仲有唔少嘢食。
但覺得呢間好似好好HEA咁。
感覺舒服。
由於我已經食咗嘢，所以陪熊食為主。
熊食長通粉，記得上次麻麻架。
今次好食可能多了胡椒

另外仲叫了個窩夫。

我地喜歡到黃金的另一個原因係因為多泊車位，泊車平。仲可以行吓海灘吹海風。

20121013 -╭。☆新娘潭☆。╮

熊琴晚緊張要同我去散心，原本提議去離島住返晚散心。
不過我覺得貴貴唔抵...所以冇，一早去郊遊好過了。

上次夜晚揸車入大埔知道新娘潭係邊度，今次就入去行。

揸車到門口，一行入去就係，天氣都幾熱，除鞋係度浸腳，即刻透心涼。 XD 

 仲有個照鏡潭，好靚，可惜有幾個外傭係度游水，冇行落去了。之後上左去新娘潭的頂頂浸腳同hea鳥。

去完兩個潭之後食少少嘢，就去船灣淡水湖。天陰陰的，原本以為見到日落，不過泊好車後個太陽唔見了。
 

好hea，又去行條好長的堤壩，來回行左幾公里。行了差不多一粒鐘架。

最後行完出來都天黑。

 在附近食埋嘢至返家。食咗南乳粗齋煲同藕餅。

(^3^)

20121012 - ☹悶悶+DG Cafe ☹

下午忽然坐喺office好悶，好想飛，因為公事唔開心，好想去旅行，但你估話去就去咩。

在fb呻了一句。
間條熊好緊張，見到熊緊張我好開心，心情好返唔少。因為熊好關心，希望十二月真係可以去吓旅行輕鬆下。

晚飯同同事+一個舊同事食飯。
去了1881的

DG Cafe and Wine Cuisine

好貴呀....食物ok，但唔應該咁貴。但同同事慶祝生日冇法子。

熊冇去食晚飯，又冇夾band.....
有啲同事有下一場去飲嘢，但我宜家唔想去啦。
約熊在長沙灣地鐵站等，因為熊未食晚飯，同佢去了大圍火車站附近食點心，麻麻地，
不過我都有食少少，肥死了。
之後坐到小巴返家。
辛苦了熊又要趕263尾車了。

20121010 - (⊙＿⊙)跑

20121010 星期三，
因為星期五約咗人食飯，改為星期三去跑步。星期三少人啲，而且有人BOOK 場踢波。

一開始慢跑好OK，連續跑四個圈冇休息，以為叻叻。
點知....休息完一個圈再跑就開始痛，左邊近PAT PAT條筋扯住，照跑一個圈，
之後行，行完想再跑，更通，間條熊叫我唔好死撐，
無奈回家。

食完哂飯，夜晚手痕用IPAD畫咗幅畫...其實係抄LINE啲圖畫。

20121019 - ✿｡◕‿◕｡✿海洋公園哈佬喂

10月19日星期五。

同哥哥媽媽HIGH TEA之後就去海洋公園哈佬喂了。

熊去酒店接我，但都幾塞車。

不過5點幾都到了，趁未天黑，就影幾張相

上年我同熊都過，我4月，熊7月。

每邊4個鬼屋。

香港老大街，今年新嘢，係影相好地方，不過要去玩，冇時間慢慢影呀。

首先坐纜車，第一次同熊坐纜車到高峰樂園，開心。

去到高峰樂園有好多機動遊戲，因為係至尊快証，所以可以玩吓機動遊戲都有時間，首先玩咗個新過山車先，好快呢，我都驚驚呀。

之後再玩多一兩個遊戲都入黑了。

冰極天地係新嘅AREA，有企鵝，

好似好細隻企鵝，我在墾丁見的大得多。

仲睇咗雪狐。

 

好靚。

影吓公仔又再玩吓鬼屋咁。

有睇吓海豹咁。

仲玩咗個熱帶激流，點知原來會一身濕透的，好彩之前參觀咗冰極天地，如果唔係濕身會凍死的。

呢個公仔都幾CUTE。

開始人多，玩完一大輪就坐海洋列車返去海濱樂園。

玩呢個全院嚇滿至尊都要排咗幾個字

總括都幾好玩，有啲場景好特別，有個似鏡屋咁會迷路，有間鬼屋黑到完全睇唔到路要扶住條繩行，有啲係香港懷舊嘢，幾得意。

之後同熊去了油麻地食大排檔小炒

間中一餐炸豬腸。

金銀蛋時菜。

炒蜆等。

好滿足好開心的一天，跑了幾個鐘，對腳好攰啦。

因為同熊經歷了好多第一次，第一次同熊去OCEAN PARK，第一次同熊坐吊車，同熊玩鬼屋等。

相信未來日子會同熊經歷到好多好多其他嘢。

20121008 - (^_^)

星期日為了熊夜晚又要出去而唔開心，
好唔喜歡佢夜媽媽仲要出去，佢會覺得我唔係一齊住，所以唔應該管佢.... :'(

星期日晚已經好番，聽聞有星期一有流星雨，諗住放工去睇，
放工第一時間走人。去到西貢北潭涌冇得睇，因為個天好光，原來香港光害比想像中嚴重得多。

之後去大埔大尾篤....好多人燒嘢食。

仲去船灣淡水湖，夜晚都有人踏單車。
最後都睇唔到流星雨，不過夜晚天氣好舒服，涼涼地HEA 吓都唔錯。

20121007 - :'(

10月7日星期日
雖然當日唔開心。
不過宜家睇返覺得好好笑。

想大家開心。
要盡量放大開心事。
唔開心事就盡量縮小。

愛一個人時，
會把優點放大，缺點縮細。
眼中只有他的好。

當不再愛一個人的時候。
把缺點無限放大，
眼中只有缺點。


我希望我只會係前者。

20121006 - (◍•ᴗ•◍)悠閒半天

10月6日星期六。

要返工，臨放工同事食老闆由德國帶返來的腸。


 熊接放工，熊早到了，在長江公園附近行咗一陣，到我放工時再同我行多次，
個公園我冇行過。

 不過就經過過教堂仔。其實中區好多地方都有啲古蹟，不過自己好少特登行。

 喜歡呢張相個反光位，

 平日返工經過時多數係食飯時間，個個著到返工LOOK仲拎相機出嚟影，好似怪怪。
反而星期六下午悠悠閒咁好舒服呢。

 唔知食咩好，最想食蕃茄通又大排長龍，我估有排都冇機會食了。
想去SOHO區食，但熊又怕又貴又唔好食。
結果去了壇島。
咖啡OK，

 仲試了奶茶紅豆冰，好好味，好特別，我好鍾意呢。

 兩個TEA SET，撈丁，同厚多士，OVERALL 都唔差，高級茶餐廳價錢。

 晚上熊就整中秋節BBQ剩了的食物，薯仔蚊雞及豬扒。

hea hea 的一天。