✿｡◕‿◕｡✿樹懶的日記✿｡◕‿◕｡✿

2014年4月16日星期三

20140416 - ╭。☆澳洲(3) - 自駕去行山☆。╮

4月16日星期三

今日租車自駕去Blue Mountain, The Three Sisters，第一次自駕呢，熊人既緊張又興奮，因為澳洲都係右軚車，所以都ok，我哋食完早餐大約九點鐘到租車公司攞車，佢哋冇俾GPS，只係有張紙教我哋點去咋。

天氣好好，藍天白雲。

藍山(Blue Mountain) 並不是單指一座獨立的山脈，而是一個高原地區。它跟鄰近的幾個國家公園合組成大藍山地區 (The Greater Blue Mountains Area)，於 2001 年成為世界自然遺產。

藍山的範圍很大，從 Sydney 開車前往，車程從個多到近三小時不等。我就食完早餐瞓咗一陣，但熊人要頂住揸車。終於到第一個CHECK PT，旅客中心。好大片草地，有啲資料，附近的地圖等，令我哋對藍山一大有些概念。

遊客中心之後，幾個字左右，開始見到附近有Town，仲有好多紅葉黃葉，由於實在太靚啦，我哋忍唔住未到目的地都例車影吓相，呢個亦都係自駕的好處。

一條唔知咩路，但兩旁都是黃葉，真係好靚，因為香港真係唔會見到呢啲景色。

啲葉黃色黃得好假，而紅葉都紅得好假好誇張。樹懶同熊人兩隻大鄉里見到真係好開心。

開始見到小鎮了，第一站是Wentworth Falls，係一個瀑布，我哋先去到外圍小鎮行一陣。

周圍都靚到不得了。呢度開始入到瀑布附近了。

是澳洲藍山的著名景點，藍山國家公園的第一站。
Wentworth Falls是一處三層式瀑布，隨著季節不同，有不同的景觀。瀑布總高度 187 公尺。
Wentworth Falls瀑布附近一个同名的鎮的名稱，呢度曾經是22,000年來當地土著用來聚會的的非常重要的地方，考古發現有許多石器時代的遺迹，呢度都是著名的風景區。

入到去有條路指住falls，一定要行吓啦。好似香港行山咁，唔係難事，只係怕唔夠時間，天氣好，啲雲靚，齋行都開心。

一開始小小瀑布。

其實應該有好壯麗瀑布，不過宜家係秋天，水唔多，所以我哋只當行山咁行。
一路行見到好似好多好驚險的原崖峭壁，好似好驚險，其實唔驚，因為有哂欄杆，好穩陣呢，當然向吓望會有啲恐怖，但我同熊人都好喜歡呢度。

不過點鍾意都要走，唔可以玩太耐，因為要去The Three Sister嘛。

上返車。繼續出發。

2014年4月15日星期二

20140415 - ╭。☆澳洲(2) - Art Museum 及晚餐☆。╮

4月15日星期二，

睇完歌劇院之後，就行番去碼頭附近四圍遊盪。見到有街頭表演就睇吓，成個人軟骨工縮入個透明箱。

之後行走碼頭另一邊見到有Museum of Contemporary Art（當代美術館）見唔駛錢就入去行吓。

之後經過岩石區，The Rocks 好古舊，見到酒吧，coffee shop，賣嘢嘅店，但冇慢慢行，因為有啲攰，要返酒店瞓陣。

歷史 -岩石區原為當地澳洲原住民的發源地，亦是 1788 年首批歐洲移民的落腳地。要真正發掘該處豐富的文化遺產，最佳的方法是參加岩石區「徒步之旅」，對當地和有關故事耳熟能詳的導遊，可帶您前往歷史悠久的酒吧、殖民地色彩濃厚的茅屋、考古的地點和洞穴、約 1915 年流傳至今冰山並翻修過的基石、歌德式教堂、卵石舖砌而成的小徑和種滿各式植物的庭園。

瞓醒一覺就想去fish market 食海鮮，我哋坐Sydney Monorail ,即是單軌車，類似香港輕鐵咁，由總站 Central ---> - Fish market (9個站)，不過每個站都好短，分零兩分鐘一個站。

不過去到人哋收哂啦，Fish Market 做埋下晝就收檔啦，我哋冇做好功課就嚟，結果食白果啦。但雨後黃昏有少少日落又幾令令。

無嘢食就坐單軌坐返轉頭去Convention Centre 站-->因為有個Habourside Shopping Centre/ Promenade，有個food court,有唔同種類的食物。其中有pizza,不過啲pizza麻麻地，好美式，似麵包咁厚底。唔係我同熊人杯茶。

呢度魚出名，食咗個魚堡，都可以啦，估唔到食啲我哋平日香港少食的快餐呢。

仲有洋蔥圈，好炸好熱氣。

呢個mall行出去係對住Darling Harbour ,但我哋冇特登出去睇，因為落雨呢。

食完呢餐我哋就返酒店啦。

20140415 - ╭。☆澳洲(1) - 出發及悉尼歌劇院☆。╮

4月14日星期一

坐晚上七點廿分的VS200維珍航空班機飛去悉尼，我同熊人都冇去過澳洲架，所以好興奮同期待。

起飛時係晚上，所以食晚餐。

食完晚餐就爭取時間休息，維珍有Premium economy，我哋係被upgrade到premium，其實差不多。班機好少人，我哋個位前面無嘢應該好瞓，點知前多少少就係廁所。成晚有人出入又開門又光又有聲，都唔瞓得幾多。

第二朝大約六時多到埗，可在機上看日出。

好美的日出加上英國旗。

原來機場好近，坐地鐵十幾分鐘可到我哋酒店站Museum station，車費咁就AUD12.60，站都幾古舊，圓圓的牌有啲似英國的underground。

天氣是澳洲的秋天，所以街上有不少大種楓葉。

我哋住Viber hotel 都是經維珍package book，勝在夠大地方，房間好大，又幾近地鐵。放下行李就坐地鐵去參觀了。第一站去Sydney Opera House，悉尼地鐵（英語：Sydney Trains）是澳洲鐵路營運商，地鐵都有兩層架。今日我哋主要坐市內循環線就得。

Sydney Opera House在Circular Quay Station

在Circular Quay Station行出去就會見到悉尼歌劇院。舉世聞名的悉尼歌劇院，鋪了 100 萬片來自瑞典的米白色磁磚，利用了 14 年的時間才建成。歌劇院每年上演近 3000 場表演，是全世界最繁忙的歌劇院。

悉尼歌劇院以建築形象獨特而著稱於世，是20 世紀最具特色的建築之一，也是世界著名的表演藝術中心，已成為悉尼的標誌性建築。巨大的白色殼片群，像是海上船帆，又如一簇簇盛開花朵，在藍天碧海和綠樹襯映下，輕盈皎潔。其設計理念和建築技術讓人稱嘆！

歌劇院坐落在班利朗角(Bennelong Point)，建在悉尼港內一塊伸入海面的地段上，東、西、北三面臨水，南面對著植物園，加上悉尼海港大橋，與周圍景物相輝映。每天有數以千計的遊客前來觀賞。

早在 1955 年，悉尼為興建這座歌劇院舉行國際建築設計競賽，從 230 個方案中選定丹麥建築師烏松 (Jorn Utzon) 的設計。1966 年烏松辭去劇院總建築師職務，剩下的室內設計由澳洲建築師完成。歌劇院從 1959 年破土動工，1973 年竣工，10月20 日由英女王伊莉莎白二世剪綵開幕。

歌劇院建築總面積八萬八千多平方米，包括一個有約二千七百座的大音樂廳，一個有一千五百多座的歌劇廳，一個可容五百多人的劇場和一個370 座的小音樂廳。此外，還設有排演廳、接待廳、展覽廳、錄音廳以及戲劇圖書館和各種附屬用房（如餐廳、售品部等），共九百多個房間，同時可容六千多人在其中活動。

施工過程中整個外牆採用不反光的白瓷磚，貝殼曲率弧度都為 47 度和 49 度，用鋼筋在平臺上固定後拉出，鋼筋在內，外面看不到，以玻璃鑲嵌，因有空隙而不怕熱脹冷縮。

為研究和設計這些殼片結構，用了八年時間，施工也費時三年多。內部牆壁為便於吸音採用本土的樺樹作料，座椅用桉樹材質和小羊皮羔包制，效果隆音。工程預算 700 萬美元，實際費用達1億2000 萬美元。

見到有間賣Fish & chips，原來澳洲人都好喜歡食炸魚薯條架。

悉尼橋-悉尼海港大橋（Sydney Harbour Bridge）是悉尼的一座主要橋樑，橫跨悉尼港連接悉尼商業中心區與北岸。這座引人注目的橋樑與附近的悉尼歌劇院構成了悉尼最知名的景色之一。因為悉尼港灣大橋的外表，所以獲得「衣架」這個外號。直到1967年為止，悉尼港灣大橋都還是悉尼市中最高的建築。
悉尼港灣大橋在新南威爾斯州公共工程處工程師約翰·布拉德菲爾德（John Bradfield）的指揮下，橋樑設計由英國米德爾斯伯勒的都門朗建築公司所建造，並於1932年完工。悉尼港灣大橋最高處高於海平面134公尺，同時也是世界上第5長的拱橋。根據健力士世界紀錄，它也是世界上最高的鋼鐵拱橋，並曾是全球最寬的長跨距橋樑，直至2012年被加拿大大溫哥華地區的第二代曼港橋取代為止。