(◍•ᴗ•◍)2012首爾(3) - 正東津火車站

4月4日星期三
在酒店食完早餐之後，我地就出發去雪嶽山統一公園，參觀北韓特攻隊，睇啲戰時的潛艇，退役軍艦等，了解當地作戰的過程。

唔係好有興趣呢，只係同家人影吓相都開心嘅。

呢度都好近海。

都幾大風。

最靚都係呢啲鎖，好colourful，個個鎖都係心型，好浪漫呀。

 

去完統一公園之後就出發去正東津古老火車 / 正東津海灘火車站，呢個係世界上最靠近海岸的火車站，正東津浪漫海灘車站，被紀錄於世界健力士紀錄大全之中。正東津更因可欣賞美麗的日出而聞名，如果我有機會可以慢步浪漫海灘就好啦。

真係好近海吧。

好似唔知在邊套韓劇度見過咁。由於當日冇雪而且天朗氣清，凍得嚟有太陽都好舒服。

冇火車時，可以坐喺路軌影相。

 

個站四周都幾靚。

好近海，好似好浪漫。

有火車到，可惜我哋個團係冇得坐火車。

(◍•ᴗ•◍)2012首爾(1)- 出乎意外之雪景

2012年4月3日星期二
同家人一行六人去韓國首爾，由於有爸媽也有姪仔，所以方便啲都係跟團好。
呢次亦都係我同熊拍拖之後第一次要同熊分開幾日，跟熊一起百多日未試過要分開咁耐，當晚熊送我們去機場。
真係好唔捨得呢。
仲漏低個電話在熊的車上。熊返轉頭俾返我時我已經開始係咁喊。

凌晨機。

 坐A380呢。

 啲飛機餐幾好食。估佢唔到。

 希望可以在飛機瞓吓，於是拎杯酒，好難飲，冇飲幾多啖就放棄了。
在飛機偷偷地喊呢。

 落機係冇早餐，好早到機場，買少少食物就上車，第一站係去雪嶽山，在首爾機場都好大雨啦，之後上山途中越來越凍，因為係大風雪呢。

呢個係中途站，落車去洗手間時被眼前風雪嚇親，大風大雪，好似拍緊災難片咁，我好少去落雪的地方，第一次見到落咁大雪。

 所有嘢都變成白色，如果熊都喺度就好了。 嗚嗚。

 再坐車多成大半個鐘去到雪嶽山的公園，大雪到唔識形容，我地出發前冇諗過有咁大雪，而當地領隊 (香港人)都話四月份好少再咁大雪同咁凍。
其實呢個雪景係冇諗過可以在四月份睇到架，要睇都係睇櫻花啦，宜家睇到雪景都算係呢團嘅BONUS~
不過大家都帶唔夠衫，最慘係對腳唔夠暖，波鞋入哂水，又凍到結冰，人生第次見咁大雪，竟然因為準備不足而戰敗了。
唔想再行入個公園，因為凍到腳都彊硬了。
呢幅雪景得來不易。

 入咗去INFORMATION到坐，因為有暖氣。吸印仔。
隻熊係公園入口個ICON嚟架。又好MISS 熊了。嗚。

(◍•ᴗ•◍)2012首爾(2) - 大明渡假村

2012年4月3日。

去完個雪嶽山國家公園之後，終於可以食lunch啦，到韓國的第一餐。

好似好豐富嗎？其實六個人分一窩，因為安排得唔好，所以有啲人三個可以一窩，我哋一家人六人，都係分一窩。
餸就係得咁多，不過飯就任加，第一餐，天氣又凍，唔係好夠食。

泡菜都任食，食加，韓國泡菜好多款，好正，如果真係唔夠就唯有紫菜撈飯啦。

之後就去大明渡假村，環境好舒服，因為冇帶泳衣，冇咩好做，冇游水，冇浸溫泉。
好彩間房幾好，因為係渡假村，其實係俾韓國人一家大細渡假，所以已經有煮食用具，也有齊水煲，
房冇wifi，lobby有。
天氣凍到死，好彩房有暖氣，之前對波鞋好濕，地板有暖氣，放在地板上都可以好快乾。

酒店景。
好靚的雪景。

其實停哂雪，

天都慢慢清起來。

晚上去食飯。
食韓燒，
在韓國食，很正宗吧，
呢餐有好多肉，好飽。
我唔食牛，都有雞同豬。

20120401 -╭❤╯╰❤╮ 迪迪尼碼頭 +欣澳

4月1日星期日

天陰陰，迪迪尼就去得多，迪欣湖都去過吓。
但迪迪尼碼頭你又去過未？

原來迪迪尼有個碼頭，原本想搞水路往迪迪尼。
不過估計客運唔多理想，結果冇用到，荒廢了。

 其實都好靚架。
人又唔多，好舒服。

 地方幾大，統一的綠色屋蓋設計。

 唔用真係幾浪費。

 在迪迪尼碼頭HEA一會之後，熊揸車去了欣澳。

 好多呢啲草，我哋覺得好靚。

 後兩天氣好少少，有返藍天。

 間中又有啲雲。好HEA呢。

 日落有啲雲，其實都幾有味道的。

周圍都有啲植物，樹亦都變得青綠，顯示春天來臨了。

 行去附近有空地，好多呢啲草。

 我哋逗留咗好耐，又影一輪相至肯走。

估唔到香港都啲呢啲地方咁靚。

20120401 - ╭❤╯╰❤╮去元朗食嘢

20120401 - 星期日
去完欣澳之後，同熊一起去了元朗食嘢因為元朗其實好多嘢食，
不過我呢個新界東人又點會知，都是因為熊媽媽住元朗，所以熊都會好熟，我哋去元朗順便探熊媽媽。

呢間叫金田壽司，好出名，好多人去食的。我哋因為六點幾就去到，僅僅有位。
叫了蒿麥冷麵。

 芥辣墨魚。幾好食。仲有大大塊紫菜。

當然少不了壽司，飯少少魚大大。GOOD

 鰻魚....

呢個係推介的，似係加洲卷的放大版，而外面卷了三文魚。一件等於三件。
兩個人食三件，咩都唔駛食。被KO了。

味道都OK，好多料，但份量太大了。

而熊則不喜歡沙律醬。 ^^

 雖然被KO了，但我們還是要去食甜品。
熊話呢食心太軟好出名的。SUGAR MA MA，食心太軟最出名。
淨係個樣已經好吸引了。
事實上都好好味，香濃的朱古力加暖暖的流心，加埋啲雪糕，超好食。