20180805 - o(︶︿︶)o曇花一現

8月5日星期日，

今日黃昏時知道屋企樓下棵曇花今晚會開，一次過開八朵，我本來都唔會刻意落街睇，不過喺媽咪度食完飯太多嘢要拎，又要抱以朗，所以仲有盒糖水就等以朗瞓咗先過多次去拎。

十一點幾落樓下真係見到好多朵。因為都唔係第一次見，本來都唔想影，不過見好多人圍觀勁影，咁我回程時都影吓囉，一次過八朵曇花又真係幾震撼的。

白色的花幾高貴同清麗絕俗。有人寫咗張紙條話採花之人會腸穿肚爛，我心諗駛唔駛咁毒呀？有有咁得閒採花呀？

點知原來真係有，我回程時影完都係未夠十一點，第二朝聽啲街坊講十二點已經冇哂啲花，我睇吓，連條枯萎的屍體都冇埋，真係俾人搞咁呢。啲人真係好自私，好冇公德心，聽聞話㷛水飲會有療效，但都唔駛做採花賊架。好彩我影低咗咋。話哂一次開八朵都少有。









補補同日以朗沖完涼張相，用毛巾包到單邊，有啲似自由女神。

不過呢個奔放的自由女神，好快會剥光豬裸跑啦。哈哈，以朗好鍾意唔著衫通屋走。