20180805 - ♣♧（敗走）中環夏誌+海事博物館♧♣

8月5日星期日

連續幾星期去商場睇加菲貓，今日不如出去中環夏誌睇睇。
一落車已經好熱好熱，仲要行一大個街口先去到入口，33度加上紫外線極高的一天，真係令人吃不消，其實幾多得意嘢，但唔太多適合兩歲以下的BB，有吹氣彈床，但要身高90CM。
全個海濱活動空間都係冇遮冇掩，好彩我帶咗把遮。否則中暑都有之。

呢個膠搖搖板好得意，但真係唔敢正午時份在太陽之下太耐，怕佢會中暑，小朋友中暑唔識表達，脫水，可大可小。所以我哋巡咗場就即走。咁嘅天氣真係唔好喺戶外逗留太耐。

好彩中環碼頭仲有個海事博物館。不過呢個舊郵筒係海事博物館外面跟精品店。



之後買飛入場。

香港海事博物館
香港中環八號碼頭
電話 :  +852 3713 2500
傳真 :  +852 2813 8033
電郵 : info@hkmaritimemuseum.org
開放時間
上午九時半至下午五時半 (星期一至五)
上午十時至下午七時 (星期六、日及公眾假期)
農曆年初一及初二休館
閉館前三十分鐘開始停止售票。


成人30元，BB免費。入口有個掌舵，以朗又玩一餐，我哋乘機休息一下，嘆吓冷氣，喺咁熱天時，啲冷氣真係好似天堂一樣。

香港海事博物館（英語：Hong Kong Maritime Museum）位於香港香港島中西區中環8號碼頭，展示南中國沿岸的航運歷史及香港從中所扮演的角色，由香港國際航運團體經營，由全國政協副主席董建華擔任榮譽贊助人，總監為韋持力。香港海事博物館於2005年9月8日於赤柱赤柱廣場美利樓開放，於2013年2月26日遷移至中環8號碼頭的工程完成後，再度開放。



以小小漁港起家的香港，今天蛻變成為世界主要港口，其海事往來多少有值得留意之處。要想了解究竟，到香港海事博物館吧！博物館從多角度介紹香港海事文化、歷史和未來，包括追溯世界各地的船艇、航路探險、海上貿易和海戰等古代發展史，以及環球趨勢和船務對香港經濟的重要性等現代概況。館內還有多個珍貴的古船模型和藝品，而一些互動展品也讓您可以寓學習於娛樂。



有C/B/A 三層，好多嘢睇，仲可以睇吓海景，又有啲歷史睇吓，亦有現代化的港口可以參觀，最開心係以朗去到參觀好開心，好肯自己行，好乖咁自己跑唔扭抱，仲上上落落樓梯好多好多次，好似好好玩。如果要慢慢睇，可能要睇多兩個鐘都得，不過由於我哋未食LUNCH。所以三點幾都走，本來想去博物館CAFE 8食嘢，不過冇飯，又冇意粉，只有包包同CAKE為主，雖然價錢唔貴，不過以朗冇乜好食。

於是我哋車去西環的海傍陳記度食，可以睇住架車。中環去西環條路以朗竟然差啲瞓了，好彩佢落車肯食嘢，點了雞飯俾佢食，

點知後來要食我碗河粉，可能因為天氣太熱，河粉濕濕地好食啲，早知我食少少俾多多以朗食啦，佢食哂啲河粉唔肯食飯，只飲檸水，不過唔算食太少就算啦，仲點了雞翼魚柳，不過冇影相。

回程一上公路就瞓了，落車都唔願起身，冇幾可抱住瞓，但重死我啦。
可能因為今早八點半起身，又行咗好耐樓梯，所以返到屋企瞓到5點九先叫醒佢呀，行樓梯一拿。