20171020 -☎☎講電話☎☎

10月20日星期五

食午飯時間去昭隆街附近睇中醫，睇完第二日就攞藥，琴日攞完藥就去了GAP買咗兩件BB衫。

今日因為收據有問題又要去多一次，去完之後今次行利源東街見到有玩具店就去睇吓。

我睇吓睇吓又買到嘢，宜家自己唔買嘢都要買嘢俾個仔，

今次買個電話☎俾佢，因為呢排以朗見親我喺屋企打電話都要搞個家居室內電話，有幾次婆婆同佢講嘢，佢又好興奮，宜家成日都想爬去搞個電話。(-_-")

有色及此就買個電話俾佢，以朗唔喜歡一個冇得開關的玩具，所以買個VTECH嗰啲my first phone都冇用，肯定玩兩玩就厭，我買個電話係想佢模彷吓咋。

點知表哥見到係反斗車王電話又想要......

於是俾個新電話表哥，表弟玩表哥個舊電話。BB都識識地，知道係電話，會對住講嘢，但唔太識放在耳邊聽。