20171009 - ✿自己拎奶樽✿

10月9日星期一

返工放工好少時間同寶寶玩。

不過要盡量寫blog，盡量紀錄BB的每個第一次。

佢細細個兩個幾月人仔已經成日想自己拎奶樽，不過佢兩個幾月又點會夠力拎，之後九至十個月有時會捉佢隻手仔試吓拎，不過佢懶豬都唔多願意伸手拎奶樽，但係佢已經足咗一歲，有時無聊睇人啲blog/fb見有啲十個月大，一歲都自己拎奶樽，所以俾佢試吓，捉佢隻手仔捉住，佢真係捉住支奶奶。係完全自己拎，我哋冇幫手拎，不過佢唔識拎高支奶樽，所以飲到中後段都幫佢抬起個奶樽，相信，佢慢慢會拎奶樽飲奶啦。