20151219 - ヾ(◍'౪`◍)ﾉﾞ愉景灣

12月19日星期六

Xmas party之後同熊坐船入愉景灣，我同熊人都未去過愉景灣呢，非常之期待同興奮。但船費要三十五元，好貴呀，果然是有錢人的地方。

一落船係碼頭附近，感覺幾清幽的地方，有不少外籍人士，不過此行的目的係想去睇吓近來整好的教堂，似韓國/日本俾人專舉辦婚禮的白色教堂，

原來都幾遠，要再坐巴士去，經過好多樓，純住宅區的感覺真係好舒服。

落車見到個鐘樓，雖然人工化啲，不過可能當日天氣好，個天藍藍地，影相都幾正。

有馬車坐，不過其實咩人會坐呢？自己行吓好過啦。

見到個教堂啦，好靚啊，尤其當日有藍天。裡面都好靚，好似拍劇啲婚禮場地咁，當日都有人結婚，所以冇得入去睇。

圍住教堂是一個水池仔，所以令影相增加不少可觀性。呢張個倒影我好喜歡。