20151206 - ╭❤╯兩口子飲茶+打邊爐╰❤╮

12月6日星期日。

天氣終於涼涼地似冬天。

兩口子見天陰陰(昨晚下雨)沒有打算去行山。

於是在家HEA鳥。

 

十一點左右起床，1點左右先去飲茶。近來又喜歡去富臨飲茶。

叉燒腸好食又夠滑。

迷你間條熊都有去

芝麻流沙包都幾流沙。

鮮蝦菜苗餃好多菜，而且好晶瑩剔透。

燒賣唔及稻香好食，稻香仲有大大隻蝦放上面。

蘿蔔糕都好食，好多蘿蔔絲之餘個面仲脆脆地。

之後返家HEA一會，(今日全日都好HEA) 之後去了熊貓酒店間AEON行，12蚊店好多收獲呢，仲有好多聖誕嘢賣，聖誕節氣氛好濃厚。

行咗好耐，差啲唔記得係要去街市買嘢打邊爐，可能晏咗去，好少嘢賣，好難先搵到蟹賣，百幾蚊兩隻好貴，但好好食。另外亦有食泥鯭。好鮮甜，凍凍地，打邊爐好正。