20150801 - ╭。☆荔園☆。╮

8月1 日星期六
放工去咗荔園，荔園這個屬於香港人的樂園闊別了我們十八年後，於今夏再度重現香江。「荔園Super Summer 2015」以「原汁原味‧香港本地‧創意科技」的主題去重現我們想當年的遊樂場，場內新舊設施及景點都令你回想到過去的情懷，卻不失與時並進的創新精神，實行潮玩「荔園Super Summer 2015」！十大必遊景點及娛樂設施包括:荔園城堡、吸蕉大笨象、滑稽恐龍屋、魔靈小學、吹漲動物園、夏日溜冰場、經典掟階磚、淘氣小木馬、好時光收集箱及荔園大舞台。6月26日於中環海濱活動空間正式開幕，免入場費。

除咗呢啲遊戲之外，仲有小型足球同小型藍球比賽。我哋睇咗陣先玩。

話明懷舊，有唔少經典卡通人物，身為中女的我見到小忌廉真係好開心。

亦有啲好舊嘅嘢展出，例如呢個木馬。

雖然唔駛入場費，不過玩所有嘢都要錢架。熊人玩咗經典掟階磚，夾波子，抓子等，好難玩，唔少係40+50+啲人玩，好多一家大細，因為呢啲遊戲其實真係好耐，我身為中女都冇玩過，反而媽咪聽到啲遊戲就好開心，可惜天氣太熱，佢唔會嚟玩，否則可以叫媽媽顯身手。最後我哋掟波都羸咗個小忌廉環保袋返嚟。

小路寶仲舊過小忌廉呀。 XD

天氣十級熱，我哋都唔係玩咗好耐，之後坐船到尖沙咀影吓維港景色。

亦影了唔算MAGIC 的MAGIC HOUR。