20140711 - •●◕台北遊(3)Line 朝聖+上引水產◕●•

7月11日星期五

今日繼續台北DAY 3之旅，

瞓晏咗，因為在酒店看世界盃，瞓醒連餅都冇得食，但都飲咗幾杯咖啡，第一站去華山創意文化園區，好近酒店，行過去就得架啦，直路行兩三個街口咁上下，

 

華山創意園區前身為台北酒廠，是台北法定古蹟，在1999年後，成為提供給藝文界、非營利團體及個人使用的藝術展覽、音樂表演等文化活動場地。此外，園區內也有多間餐廳、店舖、藝廊等商業設施。

我就冇咩文法，主要係想睇台北LINE FREINDS POP-UP STORE，係夏日限定點，過咗就冇。

台灣LINE RANGER 可能比香港流行，所以多啲LINE RANGER PRODUCT，我哋都有課金，買咗RANGER 鏡。亦買咗一盒好多張，好多圖畫的POSTCARD.

之後就去咗近來大熱的地方上引水產，真係好多水產賣，魚生都好抵，好大盒，但我哋兩個都唔係食太多魚生，只喜歡食少少就夠，好大盒生嘢少食啦，

裡面有間食壽司，人好多，價錢唔係十分平，而且又要等之外又要立吞，即係企喺度食，真係冇咩興趣囉，

反而超市形式的魚市場就好多平嘢買，好多大大盒，

海膽咁大盒幾平都冇用，因為我哋兩個人唔想食咁多。

最後我哋買咗兩樣嘢，一盒燒銀鱈魚，一盒蟹肉，真係幾平，我哋在超市出面啲枱度食，不過環境差啲，銀鱈魚好好食，蟹肉都正，太大盒我哋食唔哂，包好遲啲再食。

上引水產唔近接運，要行係行好遠，交通不太方便，當日天氣好熱，係坐的士去，但其實去到係好失望，因為唔係咁啱我哋，所以下次一定唔會再去。