20140710 - •●◕台北遊(2)平溪線小火車◕●•

7月10日星期四，

酒店的早餐只是簡單早餐，少少麵包同餅，好輕巧。台灣好多嘢食，唔需要食咁飽，



而且有咖啡機任沖任飲，食少少嘢都OK，有咖啡起碼可滿足到我同熊人。

今日我哋去坐平溪小火車，第一次自由行去台灣在2007年時坐過，宜家同熊一起坐真好。
在瑞芳站轉乘平溪線，平溪線好疏，所以我哋在瑞芳站可以吃吃吃才去坐車，

上到火車竟然下起大下來，幸好那只是驟雨，到了菁桐又沒有雨了。

呢啲竹管可以許願，以前冇咁多。

差啲行咗上山，因為山上都有居民，佢哋俾咗兩個果子我哋，原來是台灣本土的蓮霧，同平時見到的好唔同，肥肥矮矮的。原本想再行吓，點知下起雨來，趕快回車站避雨兼等車。

返轉頭去十分，

十分多啲嘢睇，唔會再行廿分鐘去睇個十分大瀑布了，周圍行吓，放天燈，

我哋行咗去橋的另一邊。

有唔少平房，人很少。

行完一輪先去放天燈，以前冇咁多人放天燈，可能因為「那些年」的效應吧？

我們相愛的印證，佢哋做慣遊客生意，有啲識講韓文，佢哋好熟手叫你點拎個天燈再同你影相，唔知點解，看著個天燈飛上天，我竟然想哭。因為想不到七年後重遊此地，我已經找到了幸福，同我的至愛放天燈。

由於小火車班次疏落，冇火車過時，遊人可以走到路軌玩，兩邊都是店舖同人，好有特色，

我哋放完天燈又玩咗少少煙花，之後在附近搵到啲小店食嘢。
魯肉飯。

豆乾等，台灣最平民的食物，但我們都喜歡吃。

走的時候已經是黃昏了。

後來才知道，原來放天燈會做成附近好多掉下來的天燈成為垃圾，影響環境.....下次唔會再放，因為同熊人放過一次天燈已經很足夠。