20140727 -20140801 (⊙＿⊙)我XX了

20140727 星期日
感覺怪怪的，中招了。
好驚，好唔想，無心理準備。

熊竟然開心到喊，也許這是上天送給我們的禮物。

20140728 星期一
去咗拆甲，GEL 甲，high heels 886，
熊因為佢自己的事未處理好而令我好傷心好失望。
大喊了一場。

20140729 星期二
去睇醫生寫信。
好唔開心，太多事要面對。
熊向父母提親了。

20140730 星期三
擇日子，唔可以農曆九月喎，真的可以趕得及嗎？
因為怕唔可以農曆九月而推遲，又喊。
嫂嫂Whats app了一陣，講哂俾我知應該點做。
哥哥也Whats app恭喜我，
熊媽媽又好開心。

只是，真係咁開心嗎？

20140731 星期四
熊幫我排威院，令我少了一份擔心，
九月先睇醫生，好啲。
宜家好似未婚媽媽咁，好無助。
回家吃飯，爸媽支持，好了一點，但都有喊。
好彩仲瞓到。

20140801 星期五
揀好日子，9月18日星期四，
要找場地，好多會所都FULL了。
要揀博藝會/煌府/酒樓。
我好唔鍾意酒樓，
影pre wedding又要平，
同我Dream wedding爭好遠，
我唔係要好豪，但我覺得宜家咁好慘。
好委屈，爆喊了一大場。

識得好多人，搞婚禮都好得體，
偏偏自己是最cheap的一個。
好淒涼。
好後悔，如果時光可以倒流，我唔會俾呢件事發生。

20140726 - ☆★掌門狗@圓方★☆

7月26 日星期六

不用上班，早一日同同事食完日本嘢又肚痛又胃痛。

今日同媽咪飲完咖啡先出來圓方見熊人。

 

我去圓方超越唔方便，但今日專登去係因為想睇掌門狗。

圓方因為有好多掌門狗。唔同造型，勁多款，好多隻，又靚又COLOURFUL~

 

隻隻都唔同，好有特色。

BASIC ONE

 

呢個布藝好正

仲要整到好似旋轉木馬咁，令人目不暇給。

四周圍都係。好靚，今次係熊好介紹。

睇完之後在附近食咗碗日本麵，麻麻地咋。

20140719 - ヾ(◍'౪`◍)ﾉﾞ 大口仔@The One

7月19日 星期六，放工同熊去尖咀。

因為想去影史諾比，大口仔。

影完在the one 等金寶食。

冬蔭公

個蝦丸幾十蚊粒，唔知做乜咁貴。

晚上同朋友唱k,我無咩唱，因為他們唱band sound, 咁聽熊人唱都得呀。

原來朋友為熊人準備了生日蛋糕。最新的濃抹茶芝士蛋糕。

至於當日影咗好多相，史諾比好大，但影出來麻麻。

反而the one 大口仔夏祭超得意呢。

勁靚呀。仲有大口妹。

20140714 - ╭。☆Miffy x 世界盃☆。╮

7月14日星期一

去完台灣返港，熊怕我攰，想我早點休息，於是過來馬鞍山找我。

竟然食all day breakfast，馬鞍山廣場行入去入面都有嘢食，呢個all day breakfast都幾ok。

菇夠多，腸都兩款，係個包差少少，

 

熊人就食burger。假錢都唔貴，算幾好，又一選擇。

之後在附近行一陣，馬鞍山廣場有叮噹，而新港城就係擺咗好耐食世界盃熱的miffy!

 

20140712 - •●◕台北遊(5)古典玫瑰園high tea◕●•

7月12日星期六，

最後一日在台北了，今日午後就回港，

我在出發前有位朋友係咁介紹我要試古典玫瑰園的high tea，於是我同熊人冒著三十幾度高溫，一早十一點左右就去找台北永康店，聽聞要訂位架，我哋沒有訂位，但由於時間比較早，所以有位。

係女仔都喜歡high tea，所以兔兔都心心眼了。

環境好靚好優雅。

好多玫瑰花的壁紙，英色餐具美美。

如果喝熱花茶的話，會有個暖壺暖住，好貼心，英式餐具有點像迪士尼大廳的餐具，

 



賣點當然是英式下午茶套餐，但是食物的質素我就不太欣賞。很多款都是太甜，可能不太合香港人的口味，我覺得台灣的Smith & Hsu 食物比較好，起碼鹹點如三文治較出色。

餐具很吸引，只是食物方面不能令我們想再吃多一次。

★店家名稱：古典玫瑰園(永康店)
★店家地址：台北市大安區麗水街3-1號
★店家電話：02-23948202
★營業時間：
週日-週四11：00-22：00
週五-週六11：00-23：00
★供餐時段：
11:00-20:00 提供正餐、下午茶、點心
20:00-21:00 提供下午茶、點心
21:00以後 僅供飲料
★相關網站：古典玫瑰園官方網站，古典玫瑰園FB粉絲團
由於我們十二點半就要回酒店取行李，所以食完就走了，到機場時，發覺有一陣臭臭怪怪的味，原來我們把昨天上引水產吃剩的蟹肉放在袋再去機場時會有點海產腥味，我們上機前吃光蟹肉，其實仲好好食，而我們的熱辣辣台北之旅就在甜甜蜜蜜，歡笑中完成了。

20140711 - •●◕台北遊(4)深坑豆腐街+西門町◕●•

7月11日，

去完失望的上引水產之後，我哋就去深坑豆腐街，我同熊人都係好多年前去過咋，我十二年前去過，所以話去呢度就好興奮。

不過去到原來幾唔同，以前深坑豆腐街好舊，宜家應該整過，

根據網上資料:-

為重現深坑老街早年古樸風貌，從2008年起新北市政府就將深坑老街列於歷史風貌特定專用區，規劃重點在於重現古蹟保留及現代生活的融合與共存，市政府城鄉局針對騎牌樓保存與修復，因為街屋是不可切割，針對私人的土地及建物部份，城鄉局擬定獎補助辦法，希望以獎勵的方式鼓勵老街的居民踴躍參與整條老街的風貌保存，而此復舊工程也於2012年9月順利完工。

老街兩旁的建築因已整修，故呈現出較為整齊的樣貌 紅磚牆透著古典雅致的氣息。

所以好新，同我哋之前去的好唔同，之前係一條好舊的街，只有推車仔賣唔同嘢食，我在香港一直都覺得臭豆腐好臭，唔會食，但當年來到深坑老街覺得唔太臭，於是試吓，結果一試就愛上了，那是2002年的事了。

 

宜家冇哂推車仔，只有店舖，而且賣嘢食都唔多，我哋食咗兩串臭豆腐，配酸菜又好好食呢。

 

仲去咗呢間食豆花，好喜歡佢個裝修似學校。有個大黑板，間條熊到此一遊。

靚靚渠蓋好似日本啊。

食物少咗，反而有店舖賣精品，係一啲懷舊玩具同食物。

去完深坑，我哋去叼西門丁的紅樓，西門丁都去過好多次，又係未去過紅樓。

裡面好多特色小店賣自家制創作嘢，都幾得意。

最後我哋在附近食鴨肉扁，第一次自由行都有去呢間食，今次同熊人一起食，另有一番滋味。