✿｡◕‿◕｡✿樹懶的日記✿｡◕‿◕｡✿: 3月 2014

2014年3月31日星期一

20143月◇◆跑步紀錄◆◇

三月頭跑過廿個圈之後，膝蓋好痛，為了唔好傷到肌肉/筋骨，所以暫停了兩星期
3月20日星期四再跑返，冇咩事，唔敢跑太多，只跑15個圈1

3月24日星期一又跑，今次跑到廿個圈，腳好攰，幾時先可以跑到10KM (廿五個圈)呢？

2014年3月30日星期日

20140330 - •●❀木棉花@麗閣邨❀●•

3月30日星期日

今日熊帶我去麗閣邨影木棉花，木棉花又名英雄樹。在三至四月盛放。由於木棉樹生得比較高，想影到木棉花用普通長鏡頭都未必影到。

而麗閣邨是香港其中一個出名可以影到木棉花的地方，因為有條行人天橋剛巧對著幾棵木棉樹。

由於在天橋上影過去，地勢較高，可以清楚影到木棉花啊！

影完之後返熊家，約了朋友食飯，但好大雨黑雨呢，我哋打新game Line ranger打到唔得閒理佢幾大雨。後來先知道超大同埋落冰雹。

我哋因為太大雨所以在家打到九點幾十點細雨先食飯。

在荃灣飲夜茶。

2014年3月22日星期六

20140322 - ヾ(◍'౪`◍)ﾉﾞ忽然澳門遊

3月22日星期六，

唔駛返工，想同去澳門行吓，同熊人識咗兩個月左右，第一次外遊是澳門，不過是即日來回的。想重溫下我哋一起早期的SWEET SWEET。

呢邊係氹仔，土生葡人之家公園果邊。

今次只帶了人像鏡咋。好多嘢都影唔到。

去官也街的Bitter Sweet吃木糠布甸，味道依舊，但貴咗好多，而且仲好細件。

咖啡奶凍都好食，不過又係好細件。

今次有影個名，記得係叫Bitter Sweet。小店。好葡國的擺設。

之後行番出來食茶餐廳，因為上年食過個魚包幾好食。好正嘅可樂樽，宜家少見了。

竟然有得叫馬介休球，不過好少馬介休。

呢個位我同熊人第一次來喺度對鏡合照過。

附近有間西班牙餐廳，兩次都想食。但最後無食到。

離開氹仔，去了舊城區。

呢頭有間好出名的蝦子麵。

呢間就唔係果間，但啲蝦子都好食，水餃，食到以前的味道。

食完就坐車返碼頭，無的士，啲的士司機只停俾大陸人，因為叫價好高，等咗三四個字都無車，唯有坐巴士算了。

今次去澳門感覺好差，太多大陸人，香港已經好多大陸人好討厭，去到澳門咁多大陸人把鬼咩。

2014年3月20日星期四

20140320 - 好大霧o(︶︿︶///)

3月20日星期四

一起身好大霧，

附近啲樓都睇唔真。

不過啲霧開始散時又幾靚噃。

有時朦朧都幾靚架。

宜家有手機幾好，食食吓早餐想影低霧景都隨時可以。

2014年3月16日星期日

20140316 - •●❀川龍飲茶+禾雀花❀●•

3月16日星期日

同熊去荃灣川龍飲茶，幾有風味架，自己去攞點心，有次晏咗就無嘢食架啦。

呢度無新奇點心，只有傳統點心。

今次食雞扎。

菜苗餃

蝦餃都好食，同大酒樓分別唔大。

春卷都好脆呢，

叉燒包夠傳統。

腸粉都夠滑，有啲人話端記出名啲，不過好早收，所以次次都食唔到啦。

上次去川龍有買到手摘西洋菜，今次就無啦，冇咩西洋菜。

反而見到少有的禾雀花。

聽聞係好少有架，似隻雀咁好得意。

禾雀花，又叫雀兒花，通常有白花油麻藤，花白色；美葉油麻藤，花紫色；常綠油麻藤，花深紫色等幾種，爲蝶形花科油麻藤屬木質藤本植物。簇串狀花穗，直接長在藤蔓上，因其形肖似禾雀而得名。原產亞洲熱帶和亞熱帶地區，中國南方地區均有栽培。

2014年3月10日星期一

3月9日星期日

一日飲兩場，午一餐，晚一餐。
午餐係逸東酒店Buffet，同同事一齊飲。
個BUFFET LUNCH冇嘢好食。
飲完兩點幾就走了。
想返家休息一陣。

晚上七點幾又另一場。
好嬲。
因為知道熊連晏晝都冇得食，好離譜。
唔明啲人點解要咁搵笨7。
我就on居居等於一個人去飲一樣，同埋唯一作用係幫手買外賣俾熊食。
忍唔住黑哂面。早知係咁就唔來了。
我到是俾面熊，但我去到之後，完全冇人理。
on99一個人坐，冇影相，
只是俾錢來食一餐，想呻吓都唔得。
食完飯就快快趣趣走了，反正都冇人在意，
繼續留喺度會悶撚死人。
熊應該覺得我斤斤計較，話日後我哋XX時，人哋都會幫忙。
其實，會唔會有呢一日呢？

宜家開始覺得個fb唔再屬於自己了。
add左好多我唔想add的人，冇哂自由。
好怕啲人要以自己為中心喺度阿支阿左。
好彩仲有呢個私人空間，有咩唔開心仲可以自言自語。