20120206 - ╭❤╯╰❤╮創潮樓 (已結業)



2月6日星期一

同同事慶祝一月生日，揀咗食潮洲嘢。

我好鍾意食潮洲嘢。
間中同熊食吓打冷，宜家打冷都唔平。
如果酒樓就更加貴。

我哋食潮洲嘢多數會食煎蠔餅，食過台灣的蚵仔煎就覺得潮式先好食。
呢間都幾多蠔，不過唔太鬆，但都幾香口。

 普通菜一碟，純粹係想balance 一下，包括：靈芝菇、秀珍菇、草菇、冬菇、白菜仔。味道一般啦，冇咩特別。

 鹵水鵝片另附上醋。上枱尚帶微暖！每樣都夠入味，鵝片肉質嫩滑，份量好多，以豆腐墊底，豆腐好滑，又入味，ok，幾好食。

 

 

 好耐冇食過川椒雞 ，都幾好食，唔辣。都幾惹味，食啲川椒葉，唔錯。

去酒樓食潮洲嘢一定食糖醋麵，加糖加醋軟硬適中，又香又脆口，我可以食好多。