◈◈打邊邊@高流灣◈◈

8月26日星期五

好好彩喉嚨好番啲啲，可以如期打邊邊， 其實唔應該好番少少就去打邊邊，但心情實在太惡劣，想食吓嘢，對自己好啲等自己開心吓。

當日去咗山林道的「高流灣」，打邊爐好出名，同vyvy chanc9，仲見到蕉仔，好耐冇見。

好多唔同嘅醬料，由於喉嚨唔係咁好，所以好多醬都唔揀得。只揀蒜蓉。

當日因為vyvy識人所以蔗汁是任飲，可惜我都唔敢點飲凍嘢。

湯底是豬骨湯底，好大舊豬骨，有蘿蔔粟米，仲有胡椒，所以食到尾段都幾辣，其實幾好食，因為小辣，只怕喉嚨唔妥。

水上飄飄--係蟹子蝦膠魚肚，爽口好味，幾特別，幾鮮，蟹子唔會甩出嚟，ok

四寶餃--有鮮蝦雲吞、鮮蝦水餃、菜肉雲吞和魚皮餃各三隻，味道很一般。

嘩鬼蝦條--是蝦膠釀油條再鋪上一層蟹籽，就算滾耐咗油條都一樣脆，如果想更脆口，把有蝦膠的一面放進鍋內滾， 

牛肉，唔知係肥牛定牛脊，唔食牛所以冇食到。

黑豚肉，其實即是豬肉，切得薄，幾好食。

炸響鈴--係我打邊爐至愛食物，不過不失，因為好多其他食店都好有水準。

魚三角--出名的招牌菜一定要試 ﹗其實係魚既下巴。啖啖肉，只有幾條大骨，魚肉十分嫩滑又唔腥。