❤ ❤ Carpaccio❤ ❤

星期六二月二十六日
約了朋友去迪迪尼，之前先去iSquare食lunch，

去三樓的Carpaccio，星期六的lunch 時間，唔多人，唔駛等位，亦唔爆滿，
裝修簡潔，set lunch 大約88 一個人。
可以選湯或沙律。

我揀沙律，幾好食。 

麵包都是用Olive oil+醋去食。 

我叫了個Veggie 的蟲蟲粉。 

朋友點了個魚柳，幾靚呀。 

set 可以選pizza，幾好食。 

coffee 好濃呀，都唔錯。 

額外order 了一件甜品是朱古力cake，好食，好軟。 

幾好食，可以再食多次都得。

尖沙咀彌敦道63號國際廣場(iSquare)3樓307號舖

◇◆大吉w/f Chanc9◆◇

貶吓眼到了2月24日，ChanC9 的last day是2月25日。

同佢食多次飯。

大吉，係我地飯堂。

今次點了滑蛋豬扒定食。

有兩塊三文魚架。

個沙律靚過就咁一個蕃茄。

滑蛋豬扒飯都幾好食。

謝謝ChanC9呢幾年間中陪我食lunch，希望不久將來繼續有機個同佢食lunch 啦。

我好唔捨得呀....

♪♬♩♫ Oro18 Continental Cuisine♪♬♩♫

公司有同事2月過完年生日，但因為佢飛咗，上星期又有同事飛咗，所以呢個星期先同佢食，

今次試Oro18 Continental Cuisine，lunch set 88元+10% service charge中環嚟講說可以接受。

有湯，麵包，沙律main course 同甜品。

湯ok。唔太濃幾好。

沙律係煙肉菜等，普通，不過不失。

main course係火腿煙肉忌廉貝殼粉，奶油味勁濃。ok。

甜品是lemon cheese cake，一般啦，蛋糕太多，咖啡都ok，當然同coffee shop的冇得比。但比起一般食店嚟講算好。

中環利源東街9號利東大廈1樓

☼☀accessories☀☼

之前post 了耳環相在fb之後，有個舊同事提醒我仲有條手鍊....

我順便post 埋另外一啲耳環。

以前好鍾意呢對耳環，後來俾咗媽咪之後唔記得咗有呢對耳環。

gift from vyvy

呢對媽媽俾的，近期至愛。

媽咪的，係玉嚟架，好特別，我未戴過。

呢條手鍊...貴嘢嚟架，媽咪架。

我估舊同事係講呢條鑽石鍊，成十年前都仲記得。

呢條唔貴，但我到宜家都仲好like。

呢條又係平嘢。

呢條都好鍾意，好耐冇戴過，夏天會戴番，有羊，有兔，又有馬...幾cute。

忘記了最愛的大圈耳環，幾多年都咁興。

呢隻鈪我都好喜歡架。

呢個from Malaysia

♣♧Siphon Coffee♧♣

Coffee class 最後一堂
今次用Siphon 即是虹吸壺沖咖啡，個壺好型，不過好難打理，所以唔會買嚟玩。

最煩係個蓋，用濾布包住，濾布好難打理，

將個蓋放連濾布放在個siphon內，在底部有條鍊，拉好鎖在底布，siphon內的蓋要平均放好，

 倒水大約兩杯份量。

開gas，逆時針方向開， 

較不太大火，放在壺下，等水滾(有大眼水泡不斷湧上來為之滾)， 上面的吸壺側放。 

水滾，較細火，放正咖啡壺，啲水會由底下抽上去，不過唔會抽乾，因為玻璃壺，如果抽乾就會爆啦。

倒磨好的咖啡粉，用木棒攪勻，50秒就熄火。

當日好黑，到我整的時候，整到半路冇GAS，全部唔要得，要洗過哂啲嘢再整過。我之後唔識調較個火，又攪唔勻，整到不知所謂呢。

呢堂係咖啡班最後一堂，好唔捨得呢。

上完哂之後真係對咖啡多了好多認識呢。

ヾ(◍'౪`◍)ﾉﾞ耳環Show

好鍾意好鍾意耳環，但唔可以戴啲好平的耳環....
有啲貴耳環又係去旅行時整唔見，因為用大機，相機帶掛頸除嚟除去，勾的耳環成日因為咁跌咗。

之後去旅行就戴有托的耳環，唔再跌，但就爛，連接個勾位的位置斷...好肉痛，
如果買18k，宜家起碼千幾蚊對。但可以連續戴星期都不會敏感，
比較好少少的韓國耳環百零蚊對，可以戴2-3日，10蚊20蚊對的，戴一日就要換番啲好啲耳環。
耳環呢家嘢始終都是一分錢一分貨。
忽然好想影吓啲耳環....
呢度係其中部分，好似有啲唔見咗。 >_<

呢對新架。

左邊的當時在ma belle只買一隻...好後悔點解唔買一對，

右邊貓貓在2007年去台北時唔見二一隻...好心痛，係韓國耳環，唔敏感算幾好戴。

都係韓國耳環，百零蚊....但比較重。

呢對好閃...幾好戴。

好靚，但只可以戴一日就要換。 

新嘢...切割的手工令到好似好閃。 

西班牙買架...馬賽克... 

 阿媽俾的，唔知出處。

幾好戴，唔算貴。百多元，可以連戴3日都得。

for halloween

宜家除了大圈之外，呢對算最LIKE...點精品...貴嘢。

都係貴嘢，但戴幾耐都唔會有問題囉。

貴嘢。成支穿過去就得，好長身。我好鍾意。

宜家去旅行多數戴呢對，實淨唔會甩，都算好戴，戴4-5日之後先會唔妥。

長身，不過易敏感。 

marks  spencer...比較重身。但紫色我好喜歡。

都是for halloween 的。

平嘢，幾得意，只可以戴一日。 

Ma belle，當時一隻一隻咁買。