ヾ(◍'౪`◍)ﾉﾞ Munch

特別通告:因為yblog留言要打驗證碼，而啲驗證碼太難睇，我以後都唔會再去blogger度留言，如果再唔改善就會永久離開Yblog。

上星期五十一月廿七日同細i去了尖沙咀諾士佛台的Munch，Munch位於諾士佛台一號一樓，呢餐其實係細i的生日飯，不過因為上次落好大雨，book咗位都冇去到，結果搞到今個月先食到餐飯。

呢間環境ok，唔知係咁啱當日啲人靜定點，都幾舒服。呢排好有興趣帶大機呀，尤其呢啲環境較位暗的地方就最好，影啲相出嚟都靚啲，

每人一個set，可以揀沙律/湯，大家都揀咗沙律，

主菜點了紅酒燴雞肉，同埋x魚卷，唔記得個名呢，只知道好食，同埋雖然有好多汁但唔口渴，

最後仲點了一個甜品，忽然好想食朱古力心太軟啦，所以點嚟食，好滿足，

最後大家傾傾傾，傾到十一點先走，我以為自己留低了mobile，正想折返之際(其實己折返了一半，只係未搭lift咋)，又搵番，我真係好廢柴同白痴呀