20150711 - ♣♧Lego @LCX♧♣

7月11日星期一

睇報紙知道尖沙咀有lego展，又去睇吓影吓相。

我哋先去思思縮埋個food court 食嘢，平少少又多嘢揀。有時食韓國嘢，今次就食日本嘢。

天婦羅蕎麥麵定食，有埋章魚燒。

好一般咋，因為蕎麥麵唔夠爽口呢，日本是旦一家都好爽口呢

 

章魚燒都係一般。

熊人食牛肉飯，都有章魚燒。

之後行去LCX 睇lego，真係幾大型。

好鍾意慢慢欣賞啲人仔做唔同嘢。

比較喜歡呢啲有水池，有花，好悠閒。

食嘢又係我最喜歡。

之後路過龍貓共和國。影吓隻龍貓。

今日收穫，夏天西瓜奸夫。因為有個counter賣奸夫嘢。

另外海運大廈有呢個展覽，好外國feel，又影吓啦。

20150711 - ヾ(◍'౪`◍)ﾉﾞ 成功的小貓

7月11日星期日，

星期日在家附近行吓，見到個熊大蛋糕非常之恐怖。

個咀掉轉咗，咁都得？美心西餅真抵打。

 

星期當然是飲茶，有食個奶皇包好好食。

另外羊毛氈公仔完成咗隻貓貓，呢隻篤得幾靚，好CUTIE，暫時是滿意的作品啊。

不過腳比較幼同細小，所以企唔到。

20150709 - ╭❤╯婚後第一次八號風球╰❤╮

熊人八號風球下看街。

7月9日星期四

今朝起身見到強烈熱帶風暴出過咗，應該會吹到香港，但由於工作都幾忙，所以都無乜理，最後16:40點掛風球，我即刻走人。

去到葵芳有熊人接，唔駛等巴士同塞埋站，見到沿路巴士站都塞巴士，如果自己坐31M,可能要半粒鐘先返到，

今次係婚後第一個八號風球，都有掛念媽媽，打俾佢哋都想喊，平日媽咪都煮好飯俾我哋食。

宜家熊人煮，由於平日放成七點幾，今日早兩粒幾鐘返家，好嘆，好多時間，又篤羊毛氈。

20150708 - ☆★line ranger 筆★☆

7月8日星期三，

返媽媽家吃飯前去深水玩具街走一趟，因為網上line ranger Hk group ,有人介紹有line ranger 原子筆賣，5蚊支，去到未夠八點有部分已經想閂門，見到好多要一杯賣，即是一盒。

我哋行咗幾間，見到有散埋，8蚊支，十蚊兩支，於是買咗八支，有三支送俾朋友，可惜無哂雷熊，內衣熊大都只有一支。但都好開心，因為幾靚。

媽咪話上年pop up store 支筆靚啲，但係貴成六七倍，33蚊。

20150707 - ☆★失敗的恐龍★☆

7月7日星期二

勉強完成隻鬆弛熊恐龍。但唔多得呢。側面還好。

個嘴同埋啲手腳怪怪

好失敗又唔算，但就自己真係不太滿意。

20150707 - ◇◆cake @ Zoe◆◇

7月7日星期二

我的下屬last day

佢特別買啲貴貴散水餅俾我哋team 食。

係新世界大廈的Zoe,餅好多款式，亦好靚。可惜只可以揀一件。

件件都好精緻。

最後我揀咗件笑笑面，即是以店名起名的鎮店之寶，Zoe,老實講，個cream好滑，好有奶味，但食唔到咩味，上網睇番先知道係hazelnut,蛋糕底則是脆脆朱古力。味道是好，但唔值三四十蚊件。

同事臨走送了禮物俾我，係line brown mouse,祝你日後一帆風順。

20150705 - ✿｡◕‿◕｡✿螢火蟲

 

7 月5日星期日，

跟網上馬鞍山之友的發起，去睇螢火蟲，

原來要去到大埔，但由於我哋遲咗，所以照行入去時冇人，未試過夜媽媽行山，都幾恐怖，我哋行得好快，好快CATCH 咗佢哋，不過都唔多螢火蟲，有係有，但不是想像中多，更加唔好話可以影到相了。

就係得一兩粒，手機已盡力。

 

我人生都未見過螢火蟲，總叫見過，宜家已經是水尾，下年自己嚟睇吓吧。

反而有蠍子的物體，好恐怖，叫熊人影。

GROUP 友用特別的燈先影到架。

20150703 - ♪♬♩♫和民♪♬♩♫

七月三日星期五。

家人同我慶祝生日呀。

去馬鞍山間和民度食。

有姪仔，哥哥佢哋，人多可以點好多嘢食。

三文魚刺身當然是大姪仔，佢係三文魚怪。

魷魚怪就係我啦，魷魚釀咗啲糯米就太飽啦。

沙律有日式醬。南瓜，都幾清新。

大阪燒，想食吓懷念吓日本。

凱薩沙拉，估唔到和民食日本嘢都有凱薩沙拉食。

墨魚刺身，冇咩人食生嘢，就我哋食啦。

炸雞翼，有黑椒日式醬，都唔會有咩問題吧。

炸雞軟骨，雖然熱氣啲，但細細粒咬咬吓都好。

日式芝士年糕，我就麻麻地啦，因為唔喜歡年糕質地，而且亦麻麻地芝士。

牛肉飯，牛肉當然唔係我杯茶，但佢哋喜歡牛肉嘛。

天婦羅，一般啦，冇咩特別，比較油。

鰻魚飯就我同熊人至愛，鰻魚飯加汁，又係唔會有咩問題

日式薄餅，喜歡佢薄薄脆脆的，但餡料係日式加沙律醬，我都喜歡吃。

佢哋買咗個美心Line兔兔蛋糕俾我，mousse嚟架，味道就一般啦，都係賣樣架啦。

仲有啲綠茶特飲，不過嫌佢唔夠綠茶味。

佢哋知我喜歡熊大兔兔個蛋糕俾我已好開心。

20150702 - ╭❤╯生日快樂╰❤╮

7月2日星期四。

今年因為公司有啲新TASK同埋有個同事就嚟走，所以都唔太方便在生日當天請一日假了。

早一天的晚上，熊人為我親手整咗個熊人蛋糕，同佢自己個樣一模一樣。

XD

呢個係Tiramisu來的。整得好正，唔想切嚟食。呢個蛋糕熊人都整得幾辛苦架。

當天夜晚，為人就接我放工。去中環附近食墨西哥菜，餐廳叫El Taco Loco ，像速食的taco shop，有cocktail飲，點了最少酒精的俾熊人，但熊人都好似飲得好辛苦。

 

點了卡巴。

仲有呢個唔記得個名，只知似焗芝士年糕咁幾得意。

由於明天是星期五，食完都唔咁太遲返家。