七月三日星期五。
家人同我慶祝生日呀。
去馬鞍山間和民度食。
有姪仔，哥哥佢哋，人多可以點好多嘢食。
三文魚刺身當然是大姪仔，佢係三文魚怪。
魷魚怪就係我啦，魷魚釀咗啲糯米就太飽啦。
沙律有日式醬。南瓜，都幾清新。
大阪燒，想食吓懷念吓日本。
凱薩沙拉，估唔到和民食日本嘢都有凱薩沙拉食。
墨魚刺身，冇咩人食生嘢，就我哋食啦。
炸雞翼，有黑椒日式醬，都唔會有咩問題吧。
炸雞軟骨，雖然熱氣啲，但細細粒咬咬吓都好。
日式芝士年糕，我就麻麻地啦，因為唔喜歡年糕質地，而且亦麻麻地芝士。
牛肉飯，牛肉當然唔係我杯茶，但佢哋喜歡牛肉嘛。
天婦羅，一般啦，冇咩特別，比較油。
鰻魚飯就我同熊人至愛，鰻魚飯加汁，又係唔會有咩問題
日式薄餅，喜歡佢薄薄脆脆的，但餡料係日式加沙律醬，我都喜歡吃。
佢哋買咗個美心Line兔兔蛋糕俾我，mousse嚟架，味道就一般啦，都係賣樣架啦。
佢哋知我喜歡熊大兔兔個蛋糕俾我已好開心。
沒有留言:
張貼留言