╭。☆2011印度 (4) - 喀什米爾古爾瑪☆。╮

第二朝一早就醒，因為之前早瞓呀。
凍到震，啲水好似冰水咁凍，戴con先慘呀，好似擺啲冰入眼咁。
一早流流好大霧，但都四周圍影吓啦，大部份都係濛濛地。

早餐都係喺船上面食。其實一日三餐都係喺船屋上面食架啦。

最好食係熱辣辣的蛋。但每人只有一塊，想要多塊都冇。-__-

出發時見到日出。

喀什米爾和新疆、西藏及印、巴等地有帕米爾高原、喀喇崑崙和其他山脈所分隔，故氣候與風景均殊異，喀什米爾無新疆之嚴冬與大風沙，亦無西藏與印、巴般燥熱，但其境內之山峰雖盛夏亦多積雪不消 喀什米爾是個風景美不勝收之地，有秀麗的山川湖泊和如畫般的松樹林，是聞名的旅遊勝地，也是幾十部印度電影拍外景之處。

大約坐2.5小時車先到古爾瑪高原。架四駒車行咗個零鐘頭比較直嘅山路，就響中途站停一停比我地去一去洗手間，響中途站一帶已經開始見到一啲幾靚嘅風景。上番車之後就係一段比較多彎嘅山路。

今日去玩騎馬。位於喀什米爾的古爾瑪，在斯里納迦西北方52公里，其原意是「開滿鮮花的大草原」，果如其名，它是喜瑪拉雅山下與巴基斯坦接壤的牧場，有著「花之牧場」的美譽，那是因為蒙兀兒帝王Jehangir曾在此採過二十多種野花而得名<置身於這2,700公尺的平坦高原，一望無際的綠草如茵，蔥蔥的森林令人心曠神怡，眼界盡開。這美麗的高原，春天時百花盛開，冬天白露皚皚，為著名的滑雪勝地，這裡亦擁有世界最高(海拔2700米)最大及最美麗的高爾夫球場。

由於未到冬天，所以我哋係騎馬，由於地勢高，天氣都幾凍，幸好當日陽光充，騎騎吓都唔凍，啲馬好乖好乾淨，有馬伕睇住幾隻馬，不過騎到咁下熟習咗之後都可以自己騎，啲馬有大有細，我騎隻馬好細啦，我怕自己騎死佢啦。呢隻就係我騎隻小馬仔啦。

行咗幾個字，馬隊響牧場一個較高位置停低比我地落馬影相。途中我地亦可以交部相機比馬伕幫手拍照。好舒服，喺呢度你絕對想像唔到自己係置身喺印度，反而覺得有啲似喺瑞士，有啲唔捨得走。

 

點唔捨得走都要走啦，騎馬全程大約一小時，空氣好又舒服，實在係幾好嘅回憶。

 

騎完馬就落山返船屋，食lunch，食lunch 前後都有好多時間，又影吓相咁啦。

船屋走廊。

中午，霧散咗，清番少少。

 

lunch....ok 啦。

 

唔好太大期望就覺得ok架啦，下圖啲粒粒唔知咩嚟，唔係咖哩魚蛋，似係麵粉咁。

菜好清，無油，反而最啱我。

 

 

食完飯仲有好多時間hea。

 

好好太陽，即係好曬.... -__-

 

 

 

╭。☆2011印度 (3) - 迦瑪寺，達爾湖☆。╮

食完午飯之後，就去迦瑪寺參觀，迦瑪寺(Jama Masjid)位於達爾湖的西岸舊市街，為罕見的木造清真寺，自1400 年建成至今經歷了幾次大火已經受到嚴重的破壞，最近期一次的修補，這裡規定不能穿鞋子，可以穿襪子或赤腳。女性要包頭巾。

清真寺曾三次被火毀了，但每次災難後都再重修恢復。清真寺由370木支柱組成，有印度建築的象徵，.迦瑪清真寺面積擴展高達 381英尺到384英尺的區域。這間寬敞的清真寺可同時容納超過30,000人作祈禱之用。

寺裡面有草地，感覺幾悠閒。

清真寺有水池，為回教徒洗腳清潔淨身之用。

清真寺附近係一個市集，可以行吓，雖然有好多嘢食，不過喺印度係唔會亂試街邊嘢。

啲嘢食個樣好似唔差。

之後我們再到一個年代很久遠的道教廟參觀，這個寺是行程中沒提及名稱，所以不知道中文名字，讀音大致是山卡拉神廟，這神廟在當地有著重要的宗教地位，在一個山上，要行三百級樓梯先上到去，由於神廟是受到政府高度保護的，有重兵把守，入寺之前又有security check， 而且不允許拍照的，連相機都唔駛帶啦，上咗三百級樓梯之後，去到最高處，可以一覽整過達爾湖Dal Lake，好靚，好多樹，不過當日有煙霞，濛濛地又冇相機，只能夠記喺腦裡面。

參觀完個山卡拉廟之後就坐車落山，沿途俾我哋落車影咗一陣相。

Dal Lake 達爾湖---是喀什米爾最美麗也是最大的湖泊。達爾湖的湖水是來自喜瑪拉雅山上的白雪，春季開始融化後流入達爾湖。約125平方公里，略大於星加坡的面積。大湖泊長6公里、寬3公里，是由 Gagribal、Loknt 和 Bod Dal 三個湖組成。喀什米爾早在英國殖民地時期 (1857-1947)，英國官員因著這個地方的山水秘境而趨之若鶩，作為夏天避暑居庭。後來印度獨立後，英國人大多返回英國，留下來的船屋便用作民居、餐廳和商店之用，有些則改建為旅館，作為招攬遊客的據頭。達爾湖水面寬闊，平靜得像一面鏡子。當地人在湖中建了1000多家船屋，供游客居住觀光。所以我們住的船屋也就在達爾湖。

之後就要被旅行社屈去睇地毯，幾千蚊張地毯我呢啲窮人係唔會買嘅。

仲有圍巾。我都係唔會買嘅。

睇完之後番船屋，點知一收太陽凍到嘔。凍到震哂，
船屋係冇熱水，船家會煲定啲熱水俾大家沖涼，但到咁上下就冇熱水架啦，手快有手慢冇。
我一番去就沖涼洗頭先，點知食完飯之後開始冇咩熱水啦。
越夜就越凍，終於明白點解會提供電毯。天氣太凍，又冇娛樂，冇電視，收唔到電話。與世隔絕。
結果十點左右就瞓咗。

╭。☆2011印度 (2) - 新德里往斯里納迦+船屋☆。╮

懶咗N日，經過第一篇BLOG揸流灘之後，呢篇認真寫。 XD

印度之旅第二天就是6:30左右Morning call ，8:00開車往機場，在酒店食早餐，

內陸機10:45往Srinagar(斯里納迦而非斯里蘭卡)，唔怕塞車怕security check，因為Srinagar/ Kashmir(喀什米爾)比較近邊境，成日怕巴基斯坦人，所以security check 好嚴，不停被搜身，怕佢唔知check 幾耐，唯有早啲去囉。

點解咁怕巴基斯坦人？因為第二次世界大戰後，印度和巴基斯坦從英國獨立，原英屬印度內部的喀什米爾土邦的當地王公已經決定加入印度，而當地居民多信奉伊斯蘭教，希望加入巴基斯坦 ，因此歸屬難定。印度和巴基斯坦為此爆發了幾次戰爭。現在大部領由印度控制，少部分由巴基斯坦控制。印度控制區稱為查謨-喀什米爾，因為歷年來同巴基斯坦人有唔少衝突，所以好驚死。

候機室有啲好舒服嘅位，如果好攰可能好快瞓著。圖中條友仔鞋都除埋。

印度個機場好ok架，乾淨，新，因為可能上年先舉辦完英聯邦運動會，所以配套設施都新咗好多，

小熊無聊在等上機ing

機程大約係一小時，Jet Airways 的內陸機都幾新淨，實在係意料之外。

飛機餐係一個包，一個小時機程的飛機餐根本冇咩期望。
點知原來係好好食呀。 

喺飛機拎定啲水，好細支，200ml only。

話咁快就到。斯里納迦 (Srinagar)：是喀什米爾首府，風俗及生活習慣均異於印度本土。古城建於公元三世紀，遍植花草木林，有『東方瑞士』之稱號。

喀什米爾在英屬印度時期的土邦首府，海拔1600米，坐落於該地區最大的蕪拉湖畔，是著名的避暑勝地，也是現在印控喀什米爾地區首府。
去到斯里納迦就唔可以坐大嘅旅遊巴，而係坐6-8 人的Jeeps，四至五個團友一架jeeps。就係坐呢啲車

 

 當日天氣極好，好好太陽，聽聞前幾日先落雨。由於有太陽，日頭有成廿度架。

坐咗半小時多啲車程就去到船屋。所有旅行團去喀什米爾都會住「特色船屋」。豪華的船屋源自英國人在統治印度時發現此人間樂土後欲建安樂窩於此，但卻被當時的藩王拒絕，說不准外國人擁有私人居所，於是英國人便想出在湖上建造船屋居住，既可享受湖光山色之美，又不抵觸當地法律。間間船屋個招牌都寫自己係 Deluxe Houseboat，但由於每間船屋都由本身屋主獨立經營，所以就算同一個旅行團，每個團友在不同船屋所享用到的設備同服務都可以有幾大差別。

至於有幾特色？我之前做過功課，有說好殘舊，有說好臭，所以有心理準備設備麻麻。
可能心理準備都夠哂，所以去到又覺得ok架。
船屋外貌。

船頭係一個露台，可以影吓相，不過個景都好濛吓。

有個廳，有飯廳，另一邊係房，有四間房，所以一間船屋係坐8個人左右。同團分咗兩間船屋，我哋間船屋係有電毯，但另一間船屋係冇架。

係舊舊地，不過感覺幾得意。

住得船上面預咗麻麻，不過間房個樣都幾有特色，

 

 洗手間就真係....

 

 一日三餐都喺船屋上面食，
啲嘢食好唔好食呢？大家睇圖自行評價。

附近有啲水上小販撐船過嚟賣嘢，都幾特別架

船屋出面好多花，啲花好靚，好新鮮。 

╭。☆2011印度 (1) - 香港往新德里☆。╮

好耐都冇理過個BLOG，因為公事繁忙，再加上身體狀況麻麻，放工都冇咩精神。
星期六日個人又懶。。。幾千個excuse。
的起心肝打幾粒字，開個頭寫番印度行先。
10月25日星期二去印度，一共八日即係11月1 日返。
黃昏機去早機返。

由於當日仲係麻痺同埋有啲頭痛，去機場時心情麻麻。亦都幾攰。
未上機前喺機場食少少嘢，冇咩胃口，去翠華食奶油豬算啦，

反正上機又有得食。坐Jet Airways 19:40起飛，大約要6小時機程，由香港飛往印度首都新德里。

 

Jet Airways 係印度航空公司，竟然有電視睇。都幾令我surprise。

仲有功夫熊貓2。hahah

 

印度同香港係有時差的，比香港慢兩個半鐘，

一落機即刻去酒店，但都要沖涼先瞓架，我仲要敷藥，結果成三點先瞓(香港時間)
第二朝眼都未開6點又morning call

因為要趕內陸機去斯里納迦，Srinagar