✿｡◕‿◕｡✿ 2011炎炎夏日迪迪尼

香港夏天真係熱到攞你命。天氣好熱但都入咗一次PARK，不過之後應該halloween先會再入park啦。

天氣熱就最好玩小小世界，冇咩人，又有勁冷氣。

好耐冇影小小世界，郁緊影得麻麻，要再練習吓點先可以影哂所有公仔但唔鬆郁濛。

呢啲算係冇咩濛。

夢想花園竟然好少人排隊影相，Duffy冇人要了!? >_<

好耐冇同pooh pooh影相。

minnie算係最受歡迎一個。但都只係等一陣咋。

呢期新嘢，Cars~

布景板但係超靚，只得4幅咋，後面個背景好靚，加上個人影相真係一流。

意大利。

巴黎襯番紫色好啱女仔。

 東京的廣告牌好熱鬧。

倫敦有我最喜歡的Big Ben。

冇咩幾何去皇室宴會廳食嘢，今次去咗一兜個圈見到有個兒童壽司set幾好幾靚，下次可以試試。

 

又係影吓啲新product時間

月餅，minnie打扮好靚。

呢個罐真係超靚，好喜歡，

日本產品真係靚啲？

呢幅又係靚到爆。

呢隻餅仔唔捨得食吧。

呢個盒又係靚到無話可說。

唔通慶祝英國威廉大婚？ XD

靚都唔會買，買唔到咁多，銀紙事小，冇位擺事大。

打明HKDL但又有label係product of Japan，即係想點？

 呢個都係新的？

最正係見到Lotso....

忠於電影有士多啤梨味....cute

╭。☆奇華奶皇月餅☆。╮

話過要食啲好嘢慰勞一下自己，星期日就坐言起行。

買番盒奶皇月餅食吓。

半島奶皇月餅兩舊幾水都賣哂，而且聽聞仲有得炒(雖然我都係一個炒家，不過都慨嘆香港真係咩都炒)

食過半島奶皇月餅，係幾好食，不過又未去到好令人impressed，最慘一定要去到半島拎盒月餅其實對我呢位懶人又真係唔係太方便。

我又窮又Cheap食唔起二佰幾蚊盒月餅，唯有搵啲平月餅食吓。

比較平嘅係奇華迷你奶皇月餅，原價155，渣打咭8折124，其實已經食咗3,4年，第一年買108，一路加價，但compare半島都係抵嘅。

今年個盒唔再係長型單層，而係方型雙層，每層四個，似係抄半島。

每個獨立包裝在現今香港社會已經 is a must。

開咗之後，其實幾細個，聽聞叮吓好食啲，不過我唔多想叮。

蛋黃混喺奶皇度。唔會食到半個蛋黃的。

比較差係個皮同啲餡分開，但味道其實唔錯。

嘻嘻，呢排放工有消夜食喇。

✿✿snack✿✿

近來太忙，想食好嘢都冇時間。

好多日都想去ifc，唔係想去ifc 頂樓跳樓，而係好想食啲好少少的cake，不過因為唔同原因而冇食到，有幾日頭痛到爆炸要午睡，有啲日子又話落雨，一時又話好熱。

結果啱啱過去嘅星期係冇咩食過好嘢。

有一日喺美心買嘅拿破崙，唔好食嘅。冇下次。

北海道芝士蛋糕好食...不過廿蚊件，貴。

Cute cute 麵包....可惜整到扁咗。

一向喜歡食蛋撻，不過只喜歡曲奇皮，不喜歡酥皮，唔知係TEA定係晚餐，反正都食無定時，食到亂哂。

下星期要食好啲， (如果未死得的話)。

♪♬♩♫ 中式飯堂♪♬♩♫

附近飯堂之一係元氣壽司，不過唔可以成日食日本嘢咁媚外。

都要食吓中國嘢。

中式飯堂就係金滿庭，可惜宜家因為美心酒樓執咗之後好多人等位，要早好多等位=呢。=__=

必食小籠包，好好食。

鍋貼就麻麻，本身唔太喜歡煎嘢。

担担麵可走辣。

招牌炒飯第一次食咋，唔太油，炒得幾乾身，仲有我喜歡的蟹籽。

仲有椒鹽排骨，食唔哂，要打包。

好好味但好熱氣。

§味精@秀拉麵Hide-Chan Ramen§

 人人都排隊食「豚王」拉麵，天時熱要排一粒鐘兼且間舖唔夠冷氣簡直是活受罪。

有雜誌推介「秀」拉麵，話係源自福岡的九洲拉麵，濃湯豬骨湯底不含味精云云。

趁星期六中環Lunch hour好少人，就去食吓，喺the Loop，平日lunch hour大排長龍，店舖很細，座位不多，獨沽一味只賣拉麵，有湯拉麵，撈麵，冷麵等，小食的種類不多，只有餃子，叉燒等。

枱面上有清水。

有元祖/白秀/黑秀/赤秀拉麵。
白秀係原味豬骨湯拉麵
黑秀係濃啲加有芝麻
赤秀係辣的。

店舖好整齊。擺滿了雜誌訪問的剪報。

開放式廚房。

我點咗白秀拉麵，叉燒有得揀腩肉/肩肉，腩肉係比較肥，肩肉比較瘦，我揀了腩肉。
加半生熟蛋一隻。本身配料有木耳，紫菜等。

隻蛋幾靚。見佢標榜冇味精就試一啖湯，好似唔係太鹹，豬骨湯味幾濃。

點知食完碗麵之後開始覺得唔妥，原來一樣好味精，飲好多水都解唔到渴。

80蚊碗拉麵就係咁....想食唔口渴的拉麵可能真係只有在日本先食到了。

(◍•ᴗ•◍)印度菜--Rana Raj

早幾個星期前經團購買過Subway coupon，
另外又買過一間印度餐廳試吓。

結果星期四去試，一去到發現冇咩人。
都幾驚，因為只坐一半人。

環境其實幾好，幾特別咁。

有梳化坐。

有水煙。

自助appetizer...加$30 main dish，因為唔食羊，所以只選了兩個雞的main dish (一行三人)

中環好多餐廳都是buffet appetizer ，不過呢間冇咩嘢食，個湯唔熱，只係暖，已經唔得，個湯係有少少辣的。

一定會有的沙律，不過麻麻地。

唔係難食但唔好食。

最好食係個薄餅，熱辣辣的。

main course 細得可憐。

 

但都可以點啲汁食薄餅。

用了coupon 最後每人約53蚊，勉強ok，但唔會encore

•●❀coffee jelly is back❀●•

我最鍾意的coffee jelly番咗嚟啦。

好少飲凍嘢都忍唔住飲杯。

不過甜咗啲。年年夏天都會有一個月有Coffee jelly，

最搞笑係個staff同我個fd 好熟，整咗三杯只收一杯錢。

本來想試一個promotion 的cake，不過當日唔見有。要搵日睇睇第二間有冇。

ヾ(◍'౪`◍)ﾉﾞ小事幾則

近來好少試食新嘢，食親都係平日經常食嘅嘢懶得影相，

不過都可以update一下近來搞咩。

1) 上星期開始煲呢個。---City hunter。

Lunch如果在公司食飯，都追嚟睇，放工一有時間又睇。

暫時都覺得幾好睇。係頭一集悶啲。

2) 我手頭上嘅工作又再expand了，終於話會請多個officer/ senior officer，但其實冇咩用，對啲細嘅就有用，佢哋有人share佢哋嘅workload，但係我呢？咪又係咩都要經我先走得，我唔會有任何好轉，只會get worse。俾十個officer under我都冇用架。 唉。一路咁expand落去遲早有10個officer都唔出奇。 頂。

3) 近來成日都暈，坐坐吓office忽然感覺得好似坐過山車咁chok 幾chok，定一定神先知自己坐緊office，有時行行吓路又好似暈一暈。希望過多一輪會自己好番啦。因為我想捐血呀，5月尾已經可以再捐架啦。好想再去捐血囉，但宜家好似身體麻麻，要等等，要盡快恢復至得。

╭。☆錢錢錢☆。╮

太鍾意錢，

上年炒唉瘋賺唔少，不過經傳媒報導之後真係冇啖好食，因為宜家啲師奶又炒，細路又炒，啲機票黨出嚟唔理咩價都炒一餐，ipad唔似電話，市場好細好易玩完，搞到都唔想炒蘋果嘢住，始終放機都係靠啲好同事幫手，唔想吓吓麻煩人，欠人情債都唔係一件好事，

都係留番唉瘋5先再炒。

唔炒機可以有咩做？

炒金，炒咗幾轉，宜家手頭上冇哂貨啦，係咁升就未必再入住。因為升得太離譜，等佢回一回先。雖然我覺得中長線金應該會上升，因為始終是limited resources，而且老美經濟似有排衰，但萬一再爆升都未必買，賺少少就算了。

另一樣就買股票，5,6,7月大跌市，只買少少正股，吼咗好耐，分注入，目標是入10000股1398，6蚊樓下，前陣子5.6入過，5.9又入過，但未入齊10000股，要繼續努力，

本想入1288點知爆升，都係睇定啲好，千祈唔可以心急。

之後再諗諗買其他正股先。下個目標823/002/006，慢慢做吓功課先。

 

咁進取都是因為上星期收到稅單，交4XK稅.......雖然同我本身預計的差不多，但見到封信都係好心痛，唔賺啲外快點得？

慳啲駛食麥記好了。