︽⊙＿⊙︽初三竹戰勝利記

初三赤口無有怕，約了同事竹戰....

好少打牌的我，上次打牌應該數以年計之前的事了。

6點鐘先開枱...其實我不太喜歡賭錢，好喜歡打牌，但不喜歡涉及錢....不過佢地話打好細喎，八番出沖64 (全統)。即管打吓啦。

當日都幾好運....頭4圈贏了90元...八點左右食嘢，叫外賣5上嚟食...泰國嘢。

木瓜沙律幾辣呀。

炒雜菜都OK。係太油囉。

生蝦...OH...不太喜歡生蝦...not my cup of tea~

濕炒河...幾好食。

蝦膏炒飯個味唔錯...嫌啲飯太散。但蝦膏幾香。

串燒好好食。

我們當日就咁舖在麻雀枱上開餐了。hahha

食完打多4圈先走...初初勁輸...出統了一次7番及8番...好彩尾段都食番次自摸8番...位位32...最後4圈總結贏了12...即8圈TOTAL 贏了102....贏最多嗰個，最後因為贏錢坐的士返屋企...即是冇賺...哈都冇所謂啦，新年贏錢最好是好意頭...希望今年事事順利吧。

✿✿檢察官公主✿✿

上篇講到加入了煲劇行列，第一套是檢察官公主，目的是睇靚衫，睇金素研啲靚衫，高踭鞋，睇完勁想買對高踭鞋，係好靚嗰啲鞋，仲有耳環，對對耳環都勁靚，我本身都好喜歡耳環，睇完之後又想買多幾對。

【韓 文 劇 名】：검사 프린세스
【中 文 劇 名】：檢察官公主
【電 視 台】：SBS水木劇
【首 播】：2010.3.31 每週三四晚北京時間21點15分各播放一集
【集 數】：預計16集
【導 演】：陳赫진혁（獨身天下/藍魚/On Air/風之畫員/燦爛的遺產)
【編 劇】：蘇賢京소현경(聖女與魔女/有多愛/燦爛的遺產)
【主 演】：金素妍.朴時厚.韓政秀.崔松賢.劉健
【官 網】：http://tv.sbs.co.kr/princess/
【簡 介】：《檢察官公主》講述了金素妍飾演的女主角從原本只喜歡購物，沒有絲毫責任心的檢察官轉變為真正的檢察官的故事

另一驚喜就係男主角樸施厚好型呀....

基本資料　　

姓名：樸施厚 （박시후） Park Si Hoo

本名：樸平浩 （박평호） Park Pyung Ho

出生日期：1978年4月3日（陽曆）

身高：182cm

體重：70kg

血型：B型

星座：白羊座

興趣：健身、潛水、滑板滑雪、有氧運動

特長：合氣道二段、拳擊、劍道

出道年份：2005年

家庭成員：父母、弟弟(樸宇浩 박우호 韓國職棒 "現代獨角獸隊 HYUNDAI Unicorns " 外野手)

經紀公司：EYAGI Entertainment

睇呢套劇時諗起天下父母無不愛錫自己仔女，就算嚴父都應該錫自己個女，但我們宜家啲關係搞成咁，一面心知父親係錫我，但宜家又咁狠心，成個新年不聞不問，其實好難過。也許2011年就是緣盡之時候？

而徐律師對馬理惠的情有真有假，我都好想知究竟一個人的感情，所作所為，有多少是真，多少是假？

◐農曆新年快遞◑

新年假期就完，總結一下玩過咩先
年卅年初一同媽咪，哥哥一起，沒有那人，日子一樣的過。

晚上是紅酒上篇都提過。

 年初一出去沙田行，沙田的假桃花林唔多得，反而一田的兔兔幾cutie。

二月仲好凍但已急不及待去了Zara買了條背心裙，開始有點購物狂的病徵...開季買條one piece 先399...可以抗拒嗎？

 初一夜晚開始煲劇<檢察官公主>，一晚煲5集....呵呵呵.....22:00 - 03:30....

初二去了外婆家中拜年，再一次証明有沒有那人其實都沒啥關係。

圖中是伯婆家中，桃花好有氣勢。

 同日晚上跟幾個舅父阿姨一行十三人吃飯，小妹請客....希望媽媽開心啲。

 初二晚上同哥哥又ko了一支紅酒...仲開始prepare family 的台北之旅...台北....四月我來啦。

初三赤口....同好同事們竹戰....再加上間歇性煲劇...好充實啊。



｡◕‿◕｡甜蜜蜜新生咖啡店

上完咖啡班之後約了朋友去tea。

甜蜜蜜新生咖啡店...好耐之前去過一次。試過古坑咖啡，不過冇食過嘢。

今次食個lunch。

有沙律。

main course 是鰻魚炒麵，好味喎。三點半去到時，人唔多，但四點幾左右就full house。

古坑咖啡。

我就飲latte，奶味過濃。

朋友幫我買了duffy，好貴...320只是公仔唔包衫，圖中呢套衫再額外多240....好重皮，唯有叫朋友用staff disc 買先捨得，你話貴啫....一樣大把人買...1月尾時cny 衫的duffy在1個迪迪尼包括渡假區都冇得賣了，之後仲會唔會補貨就唔知了。

☼☀ 農曆新年☀ ☼

今年農曆新年，因家事而變得不一樣，不論如何我們都要過年，我自己又唔會太唔開心，最重要還是媽媽，

今年準備了一對令令的鞋。

 每年都會準備一隻鮑魚，原隻罐頭飽

 只有媽媽我和哥哥，所以只有兩碟餸咋，鮑魚。

 同埋雞。作為年卅的團年飯。

 差不多十一點時，哥哥再回到家中。

 為慶祝新年及年初一生日的媽媽。同哥哥兩人已KO了一支紅酒。

 加料...宵夜是沙嗲串燒。

 我近來不愛朱古力，唯一黑沙都仲好鍾意食...送紅酒好味呀。

 到十二點時...送上蛋糕給媽媽作最真摯的祝福。我沒有什麼可以做到，只有少少可以做到，希望大家開開心心，所有事盡快解決。

♣♧咖啡班第三堂♧♣

一月三十日上咖啡班的第三堂啦。

今次用濾紙濾杯沖咖啡。

好多人都會自己用濾紙濾杯沖咖啡，不過都有技巧架。

先磨咖啡豆．

 測水溫，大約90度

倒水入濾杯，預熱濾杯先放濾紙。

 倒已經磨好的咖啡粉入濾杯，我好認真架。拍平咖啡粉。

 第一次注水悶熱20秒。

第二次注水，由內向外及外向內注水，各3-4圈

第三次注水，由內向外及外向內注水，各3-4圈

滴到夠就唔要啦。我沖完之後杯嘢係咁，個邊幾厚，手勢唔均勻。

 朋友手勢好唔均勻呢

 老師手勢就好均勻啦。

好開心的一堂，下次試用Siphon (虹吸壺)沖咖啡

❁ Cenacolo Steak & Pasta❁

Cenacolo Steak & Pasta
中環嘉咸街45-53號地下

年尾有花紅，食一餐半餐好啲，

1月27號，約了Chanc9 食lunch

好喜歡支醋+olive oil~

 今次冇食沙律，要湯...都幾好飲。

 意大利飯。

 我點了魚柳。

唔記得是甜品/ 飲品只揀一樣，點了凍檸茶就沒有了apple pie 了。