◇◆Cafe Le Must◆◇

去試CWB的意大利菜，呢間餐廳叫Cafe Le Must，好似有幾間分店，

冇諗過金百利都可以有如此環境，

一入到去已經覺得環境唔錯，大家即刻發揮喪影相功能，

杯碟，四周都喪影～

晚餐有頭盤，湯，主菜，甜品及飲品～

頭盤有鵝肝．．．好大件，冇諗過大成咁，有次去青衣城間意大利餐廳食，一百蚊同呢件一樣，雖然呢件跟ｓｅｔ都要加錢，但真係好抵食，

另一頭盤，青口沙律．．．．見唔到青口？因為蓋住哂，都有四隻脫咗殼嘅青口～

好鍾意佢哋啲汁都整得靚靚，好有心思～
湯有幾款，加錢點了龍蝦湯，

當然少不了蒜蓉包啦

到了主菜，有酥皮羊扒

及鴨腿，鴨腿有兩隻架，我好喜歡食鴨，所以覺得好好食～

係咁食係咁影，食咗好耐，因為每上一碟都影一大餐，其中有個侍應（老闆？）問我哋其實係做邊行．．．我估我哋真係嚇親人囉～

甜品雜莓吉士蛋糕

玉桂蘋果批

仲有飲品．．我點了Latte 

最後結賬時，送我哋每人一支花，佢話希望個個都開心呢！

我哋當然唔放過任何機會．．．又影，

係咁影相．．．真係好失禮！

http://www.openrice.com/restaurant/sr2.htm?shopid=30700

ヾ(◍'౪`◍)ﾉﾞ lunch@大吉

今日lunchtime同ChanC9去大吉食,呢度係我同事平日嘅飯堂嚟架!雖然價錢唔平,不過呢邊搵食艱難呀!而且有得訂位,好過飲茶啦,飲茶都係差唔多價錢!

有好多人話對面吉壽好食啲,不過我地覺得大吉好食啲,因為lunch set 的魚生飯係厚切,啲魚生好生鮮,有次去四季 (唔係酒店)食日本嘢,貴過大吉,但啲魚生唔夠新鮮,又唔夠厚,所以後來大家費事諗,有咩出去食都係去大吉

openrice有唔少評價麻麻,老實講要睇你叫咩,lunch set叫魚生實冇死,我亦試過食鰻魚飯都係好好食,不過咁咋嘢就麻麻,所以要睇你叫咩食囉!

呢度啲set $88-148不等,有麵豉湯,蕃茄,小小冷盤

我同ChanC9不約而同叫粒粒魚生飯,好大碗,平日我係食得哂,不過今日又肚痛呀,所以只可以食8成~

今日ChanC9放下晝呀,因為要預備陳生生日呢!趁未過十二點同陳生講聲Happy Birthday!

最後食完飯我又買咗糯米糍呀,不過今晚又肚痛都冇食到呢...聽朝食~

(≧▽≦)/食

近日天氣好差,天色灰暗,心情都特別差,除了玩Pet Society 之外,都會食吓嘢獎勵一下自己,

平日經常光顧A1麵包的西餅,尤其是意大利芝士杯,不過原來從來都未試過特濃朱古力蛋糕,呢個朱古力蛋糕好香濃呀,係有啲苦,我本身喜歡苦味朱古力,所以都幾啱我胃口,腸胃唔妥,暫時忘記了一陣子!

天氣轉涼已經頗令我吃不消,唯有吃個石燒飯暖暖胃

同場加映鴨胸沙律

當然少不了最愛的咖啡

接著甜品小姐進場

佳麗一號--北海道牛奶黑糖雪糕

佳麗二號--紅豆丸子牛奶雪糕

屋企無聊影

路過見架車好靚..又影...

 

✿特別的一天✿

 

(圖片from ChanC9 http://hk.myblog.yahoo.com/jl65hk)

尋晚叫到ChanC9個blog整紅豆糕呀,佢整得好靚呢,咁就問吓佢可唔可以請我食啦,之後就唔得閒啦,因為公司有啲嘢趕,要在家工作 (>_<)慘~~~~,點知今朝撘車時ChanC9話拎俾我,去我公司附近等拎俾我呢呀,真係好多謝你呀,仲搞到佢之後遲番公司,好好食,lunch time當飯後甜品好味呀!好開心呀~ChanC9真係好好人~

 

 

之後,番工時間偷偷地入自己個卜,見到在線人數有9個人,即係同一時間有九個人睇緊我個卜,冇咩可能架,我個blog平日只有百零二百人睇咋,點會同一時間咁多人,再睇統計數字,不得了啦,朝早十一點幾已經有500幾次,嚇c人啦,之前兩年前試過一次係咁好奇怪,後來先知係俾人登咗去yahoo home page,今次醒少少啦,去睇睇,原來真係又係咁呀,我之前篇台南- 墾丁遇見彩虹俾佢不動聲色咁揀咗出嚟登咗喺Home page,變咗唔係bloggers都可以入嚟睇囉~所以今日個卜爆多人呀,嚇c我啦!

有人登出嚟證明應該唔差(自讚中~),不過又怕俾同事見到呢~好彩只係登一日咋,聽日中午之前應該會換人,咁就穩陣啲,如果唔係俾同事見到就唔好啦~同埋奇就奇在呢篇已經係兩個月前寫架啦,究竟有咩吸引到大家呢,可唔可以留個言話我知呀?

☆★札幌元祖北海道拉麵★☆

香港好多拉麵都唔多好食，日本隨街都有一間好食過香港啲拉麵，例如味ｘ拉麵，唔駛飲啲湯，淨係食過麵都好口渴，好多味精，一係就啲麵唔夠彈牙爽口．．．所以對拉麵唔多大期望～

聽聞呢間拉麵好出名，好似話蔡生介紹過，於是去試吓，勁等，等咗半個鐘頭有多，兩人枱入十幾張先有一張三人枱，安排方面冇heart！

食物方面，好似唔多選擇，叫咗個set係拉麵加餃子，呢個SET已經 $100大元，先食餃子，幾好，比平日啲餃子好食啲，不過又未去到好好食噃！
拉麵揀了豬骨湯底，個湯底真係幾好，夠味但唔味精，有啲似日本食到的拉麵湯底，麵質呢，都算爽口，不過份量唔多噃！食哂都唔係來好飽，又冇嘢飲！
總括嚟講係唔錯，不過唔值呢個價錢，宜家金融海嘯，好難接受到一餐唔飽的lunch要超過一百蚊(連埋加一）！

圖片from Openrice.com
中環康樂廣場8號交易廣場富臨閣(The Forum)1樓11至12號
http://www.openrice.com/restaurant/sr2.htm?shopid=9988

腸胃不適╭∩╮_(︶︿︶)_╭∩╮

腸胃都好唔妥呀!消化不良,胃頂頂非常之唔舒服
自從星期日去飲就開始唔妥,到宜家足足兩日有多,好唔舒服!
都係早啲瞓算啦!

補番張舊相先,
之前去迪迪尼飲茶好鍾意食嘅咖啡糕,原來我附近間美心酒樓間中都有得賣呢!
仲有金鐘間力寶軒都有呀!叫藍山咖啡糕,一叫藍山咖啡即刻升價十倍囉~

無聊報告完畢,多謝收看~

❤Starbucks Seminar❤

朋友好介紹,參加咗Starbucks舉辦的seminar,

介紹咖啡來源,有得試咖啡,又可以有件好細的cake 食吓,仲要係免費呢!

其實我鍾意飲咖啡,不過其實唔係好識飲咋,所以知多少少都唔錯,

今次試好多咖啡,仲要幾濃吓,冇糖冇奶,冇糖都冇所謂,冇奶就真係唔多慣,

所以都唔會飲咁多,上次我個朋友join 的seminar 係有latte之類唔同調製,由於太好飲,朋友杯杯清,結果夜晚瞓唔著,不過今次就冇杯杯清,所以一樣瞓到

有問答時間,答啱仲有嘢送

係杯墊一個~

◇◆又去百瀧◆◇

上星期五唔多舒服,所以sick leave,
星期六朝早仲要返工,所以都唔想點出街
去沙田食lunch算啦,
早先可以去pokka,要十二點前先唔駛等位,十二點後等位等到傻,咁唯有去百瀧食

其實同一集團,所以一樣有pokka會員餐,路人甲點咗個日本set,係鰻魚飯,雞柳,

仲有我最愛的豆腐芝士布甸,佢話飽得滯食唔落,我食埋,haha

我就叫咗個龍蝦汁煙鴨胸意粉,呢個係我近期至愛,加$28可以轉set有多個沙律同餐飲,

沙律有三文魚,煙鴨胸同唔知咩三款任揀,我食煙鴨胸,所以沙律唔再揀鴨胸.,揀三文魚,

可能因為近日天色太差,大霧又灰暗,好少影相,所以唯有對住嘢食都影餐飽啦~

█▇▆▅▄▃▂金飯碗▂▃▄▅▆▇█

講番上星期少少嘢先,之前渣打有張啱簽賬送金飯碗一個,都幾靚啊!
不過又似多件垃圾喺屋企~

有個同事去完台灣買咗隻叫做脆餅嘅手信,幾靚幾特別,好過成日都鳳梨酥啦~
都幾好食,近排好多人去台灣,因為台幣大跌,消費更加抵~
不過我想去遠啲呀~

•●❀ Pokka Cafe Grill Specialist -again❀●•

上次食過Pokka Grill 覺得幾特別，所以搵日又去食過，主要有另一個原因係今個月Pokka coupon係送特別焗田螺，田螺圍滿薯蓉好好食呀！因為我好喜歡食薯蓉,再加埋夾多士，好想食多幾塊麵包呀！ ^__^

不過點可以淨食麵包同田螺，因為呢個只係小食咋，點都要食吓其他嘢，上次好想食個鐵板雞扒,點知今次去到見到門口塊扒咁大塊，當場唔多開胃，因為我唔係食肉獸，所以食好大塊扒係要睇心情同胃口，叫咗個明太子煙肉鐵板炒飯，佢即場喺你面前炒，然之前啲嘢已經熟咗，再炒只係令佢更新鮮熱辣，不過我蠢咗，叫佢落埋啲蟹子一齊炒，炒熟哂好似冇咁好食，蟹子都係要生生地至好…成個食唒，見到個底都幾油，所以又肥爆了~ (^oo^)

如果加唔知廿八定三十八蚊就可以轉成餐，有沙律，同餐飲，沙律幾好食，

之後再叫咖啡，呢個要補錢架，熱嘅榛子牛奶咖啡，唔知點解本身已經加咗糖，我飲咖啡唔加糖架．．．．大打折扣囉～>_<

然後再喺沙田周圍行吓，影咗少少相，

最鍾意呢個玫瑰！