◇◆又去百瀧◆◇

上星期五唔多舒服,所以sick leave,
星期六朝早仲要返工,所以都唔想點出街
去沙田食lunch算啦,
早先可以去pokka,要十二點前先唔駛等位,十二點後等位等到傻,咁唯有去百瀧食

其實同一集團,所以一樣有pokka會員餐,路人甲點咗個日本set,係鰻魚飯,雞柳,

仲有我最愛的豆腐芝士布甸,佢話飽得滯食唔落,我食埋,haha

我就叫咗個龍蝦汁煙鴨胸意粉,呢個係我近期至愛,加$28可以轉set有多個沙律同餐飲,

沙律有三文魚,煙鴨胸同唔知咩三款任揀,我食煙鴨胸,所以沙律唔再揀鴨胸.,揀三文魚,

可能因為近日天色太差,大霧又灰暗,好少影相,所以唯有對住嘢食都影餐飽啦~