20180911-12 - •●✿跑+貓貓衫✿●•

9月11日星期二，

跑過一次覺得好舒服，適當出汗對身體好，可排毒，最重要連背脊都痛少好多，所以要跑吓啦，上次係回歸跑步之作，所以小試牛刀只跑3公里，今次要跑多啲。

同自己講跑5公里，如果唔得就跑25分鐘，因為上次跑過，今次好快回復狀態，估唔到跑到5k，不過我覺得個GPS 唔太準，通常樓下會跑得好啲，跑長廊就差啲，應該是GPS問題，但總體來看都唔及今年四五月咁好咁有氣，始終經歷了六月大雨少跑，七月身體問題，八月新姐姐到來暫停。要練返好氣或者就得冬天。少雨，天氣涼會好跑啲。

宜家轉了食飯前跑對減肥的效果差了很多，宜家先搞好身體同唔好再肥落去都偷笑，要減肥我諗要跑多兩三個月先有機會。

9月12日星期三

同以朗喺屋企玩到唔知玩乜，拎件貓貓衫俾以朗睇，佢近來好喜歡貓貓，俾佢睇完仲試穿，點知穿了唔肯除，我件tee變成bb的連身裙，幾好笑，影吓佢，因為過多兩年唔會咁得意啦。大個咗高咗又冇呢種感覺了。