20170813 - 食素麵✿｡◕‿◕｡✿

8月13日星期日

今朝俾bb試麥皮，點知佢唔鐘意食。

佢只食了平日的一半份量就合埋唔食了。暫時唔鍾意食的有工人姐姐整的冇味字母粉，同埋麥片，其實BB好少有嘢唔食，就算唔喜歡都會食一半填飽個肚，但佢食得少就知佢唔喜歡。

佢唔鍾意食嘢會令人幾傷心，佢大部份嘢都肯食其實已經好好了。試想想，如果整好多嘢佢都唔鍾意，真係令人好沮喪架。

 

宜家BB成日好早起身，所以食完早飯再等我哋食完早餐(11點)，佢就要再豬覺仔。

不過豬一陣又起。

起身就出去沙田宜家睇傢俬，自從星期五之後，佢好唔肯坐BB車，琴日行行吓就大喊，唔抱唔得。今日我帶埋孭帶出去。

結果行到咁上下佢又大喊要抱了，於是用孭帶，BB行行吓就豬覺仔。

今日行完四點幾，好熱好熱，孭住仲熱，行完懶煮飯，就煮麵，我哋食壽桃牌的素麵，BB食的麵唔落味，但加了比目魚同菜，BB都好鍾意食呀，可能少食麵，佢食得好開心。