20160129 - ☆★元札幌拉麵@悅來坊★☆

1月29日星期五。

搵返隻戒指好開心，可以開開心心同熊人行街街，因為屋企個鑊壞了，要買個隻，不如就去荃灣熊貓酒店間AEON睇吓，放工去行吓，貪佢少人。

唔知食咩，不如就在悅來坊附近食拉麵，

呢間拉麵成80蚊個麵，但就好一般，除了糖心蛋都算幾靚之外，其他麵質呀湯底都係普普通通，湯底有啲咸，豬軟骨OK啦。但成7,80蚊個麵就唔抵了。

 

食完就行AEON，買到個平平地的鑊，始終呢度比較多選擇，我仲行咗一陣買咗啲LINE利是封，同埋有啲賀年禮物，是啲日式的糖果，都是55-80蚊左右，唔係好貴，但包裝靚靚，冇傳統禮物咁悶。AEON多選擇，又冇一田咁貴，又有12蚊店，我都幾鍾意行吓。熊人仲買咗罐曲奇自己食。

 

仲爭啲參茸海味就搞掂。