10月23日星期五
美酒佳餚節又重回中環啦，其實都想日間去，因為少人啲，不過聽日係放假嘛，唔想專登出中環。所以就今日去，熊人接我放工一起去，由於免入場費，所以超級多人。排隊都隊咗幾個字，好彩見到朋友先快啲。
唔駛要入場費，但要買品酒劵，所以都要等。
熊人唔好酒，所以我倆都係食為主。有唔少特色食品，例如松露春蛋，價錢唔平架，但好特色。
春蛋整得好滑，松露都唔少。
食吓串燒，幾好食呀。
大腸糯米，都好味。
飲吓酒，熊人似少女咁喜歡飲果味，甜味的酒，即係易入口嗰啲呢。
呢支酒，我同熊人試過似甜酒冰酒好好味，買咗兩支返屋企兩個佳節時飲吓。
好多酒都要兩張劵架，所以要慳啲洗。
沒有留言:
張貼留言