終於肯寫吓六月份星加坡之旅啦。無錯，2010年第三次出門，今次係去玩，仲同ChanC9去呢，星加坡宜家好貴，原本係想Easter 去嘅...但個價錢貴到成五六千銀，呢個價錢就唔想去星加坡啦。
說也失禮，我其實未去過星加坡的，大鄉里出城，ChanC9就去過星加坡....佢今次再去，純粹係因為想去吓universal studio，所以book 酒店機票時，ChanC9已訂埋Uuniversal Studio 的入場劵了。
出發日期是六月十一日星期五，二日兩夜，一早九點機CX717 由香港飛星加坡，先在機場食個早餐先食咗熱香餅，點知我哋最遲先上機...俾人last call，原本No. 69gate 已經轉咗下一班機的目的地啦...
上到飛機又食早餐，ok 啦，影出嚟好似好吸引.，其實好普通，...要坐三個幾四個鐘頭飛機。
去到新加坡墇宜機場....一班機啲人落哂機都要等好耐先出到境....個機場好細，唔係好多人都等咁耐....同香港冇得比。先坐吓啲無人駕駛列車出番嚟先有得坐地鐵架，一到埗邊有coins 買地鐵飛呀...ticket machine唔收大紙...想去唱又冇人，人影都唔多隻.....等了一大輪終於唱到散紙...亦都趕得切上班列車。
首先去酒店check in 先，住市中心的Sheraton，在Scotts Road，地鐵站是Newton...行一個街口5分鐘都唔駛，就到酒店，可能因為在市中心，都幾舊，但始終是Shearton都唔會太差，一上到去，一大陣臭味，好臭，好臭...係煙味....頂...原來佢哋俾了smoking floor 我哋呀...有冇搞錯呀，問都唔問就俾smoking floor 人，係唔係有病架？即刻去換番啦。
簡單梳洗之後就出去搭MRT，MRT即是香港地鐵，都好方便，去搵食先，去到一個地方又似街市又似大排檔的地，有好多嘢食，有台式飲品，港式食品，葡撻，咩都有，最吸引是好大粒的紅毛丹。
其實係想去呢度Maxwell Food Centre....因為有出名的海南雞飯，去新加坡點都要試吓海南雞飯吧。旅遊書介介紹----天天海南雞飯，不過由於在MRT 的Chinatown 和，Tanjong Pagar 站中間，所以頗難找，最後坐的士收場，
由於去到時都3點幾，冇咩食飯客，唔少店子都收檔呢，好彩呢間唔收，冇咩人，冇冷氣，感受到星洲有幾熱。海南雞飯幾好食，由於未出發之前已經有人同我講明星加坡的海南雞飯係冇咩雞味，所以都冇咩期望，不過其實都幾滑，又可以揀要雞脾定係其他位置，再加上佢俾啲特製醬汁都幾好食呀...唔錯唔錯。
行番出嚟就見到牛車水大廈，即是China town，參加旅行團就一定會去China Town，我哋其實係有啲誤打誤撞，即管又影吓到此一遊照啦。
另外的寺廟是佛牙寺，供奉釋迦牟尼的佛牙。2007年5月才揭幕，耗資6千多萬新元興建，樓高5層，表照唐代佛寺風格建築而成。
好熱呀，想搵的士又冇，可能係交更時候，最慘有時又扮哂停車，其實只係問你去邊，一唔啱路就即閃....好慘，想截架的士都咁難，個太陽好猛烈，真係熱到人都癲。
沒有留言:
張貼留言