✈✈北京 (三) - 故宮+天安門+返港✈✈

五月十五日星期六早上原本可以一早早機返港，不過趁唔駛返工，就stay半日先返港，一早嘆嘆酒店的早餐，不用趕返工，食早餐都食得特別滋味。

士多啤梨奶昔，好好味。

由於只有半日時間，一定不可以到長城，聽說水立方和鳥巢都離我們很遠，所以只可以到故宮，故宮的位置就即是昨晚到天安門再的位置。由於知道要走很多路，於是就坐的士啦。點知的士求其在離故宮很遠的地方把我們放下，結果又要走很多路。

由於是星期六的關係，人很多，很多同胞，未到門口已很多垃圾，當天沒有雨，但沒有風，灰濛濛的，又見到毛澤東主席啦。

 從天安門向內走，就是故宮，故宮入場費六十元人仔，很多人，有大和門，XX門，總之一直就是XX門，不同的宮殿等，不知是不是天氣多灰塵，覺得幾殘 :p

 不可以入每個宮參觀，只可以在出面往內看，但人很多，又不排隊，有啲人又爭先恐後，所以只是隨緣，迫到埋去就睇，擠不進就算了。

 最想看其實是御花園，以為會有很多花花啦，不過好少花，只有很多假山，假石，很失望啊。當日天氣好熱，著住長袖衫好辛苦架。同昨日下雨的溫度爭好遠。

 反而行行吓，行到去一條巷仔，兩邊都是紅色的圍牆，好有FEEL 喎。

 繼續行都是庭園咁，好熱，所以臨走時都要坐坐飲杯沙冰解熱。北京消費一啲都唔平，一杯沙冰都廿幾蚊人仔架。仲唔夠starbucks咁好飲。

 行足幾個鐘，唔想再行，而當地有啲車係一兩蚊可以車出去，唔駛行太多路，但啲人係有車嚟就迫上車，唔排隊，我哋又點會夠佢哋迫，最後只好行番出去，坐一個站地鐵好了。由天安門東站，坐去王府井站。之後check out 去機場，三點幾機，到機場之後好早，好多時間，再加上其實未食晏，所以就去starbucks 飲杯coffee，同香港一樣做緊黑芝麻綠茶的推廣，件Cake都是黑芝麻綠茶，好好食，香港未見過呢件蛋糕。價錢又成二三十蚊人仔一杯嘢，當地人一般搵幾千蚊個月，點食呀？

 起飛不久就日落啦。好靚，好鍾意日落，因為次次都唔同。由於坐港龍，有Haagen - Dazs食，個晚餐是獅子頭菜飯，我好喜歡食獅子頭，都算好食。睇吓書就到香港啦。