｡◕‿◕｡2010復活節之台中遊(五) - 酒廠+日月潭

車埕之後又參觀酒廠，呢間酒廠比較細，但啲酒樽幾精緻，由於好似跟團咁，趕鴨仔，連酒廠係咩名都唔知。哈哈。跟住啲人上車落車，試飲咗少少酒。

 最初飲了12度的鐵道公主，是12道梅子發酵酒，好易入口酸酸地，ok呀
之後學人試39度梅子蒸餾酒，一啖仔都覺得「拿」口，因為平日啲人叫伏特加為烈酒，酒精成份都只有廿幾度.....呢隻39度真係厲害呀。

匆匆忙忙又去到日月潭水社碼頭，一上船就會去日月潭，有個人扮的兵馬俑，外國的街頭藝術家多數扮番天使/魔鬼等，非常洋化，大家可能見得多，台灣乃華人之地區，扮兵馬俑，果然有意思，有意思。日月潭如果好天當然好啦，有藍天白雲湖光山色，不過今日濃霧......或者你可以說是浪漫+淒美吧，事實上一上船，就是海和天，天和海，不同的山丘層層疊疊，確有一番風味，不過易拍照就難以拍得此景色。(因為我冇技術)

 船全程有反船長講解，不過我啲國語一半一半，只聽到一半半，還是吹吹海風吧。
船泊岸就是日月潭，可以走上半山遠眺日月澤的景色，中間有個小島的，在上半山前又是吃吃吃，今次是阿嬤茶葉蛋，NT10一隻，超級好食，超入味，好想食多一隻呀。一上岸的右手面就是了，差不多人人都會幫襯架。
上到半山有一個刻有日月潭的石，也有人寺廟，仲有好多同胞，想同日月潭舊石影張到此一遊照都唔易呀，行遠啲有舊石刻有「千秋苦旅」就冇人影了。

 又是一輪走馬看花，又上船要回程啦。為日月潭的湖光山色拍多幾張照吧。

 上岸之後又食，今次是炸杏鮑菇，好似雞脾咁大仔的菇，切成一舊舊，勁炸，上面灑上華鹽，由於即炸好好食，
另外，台中是太陽餅的發源地，所以隨處可見太陽餅的廣告牌。(下圖左下)

之後又去埔里酒廠，早知第一日唔駛自己去啦，不過時間好趕好趕，基本上只可以兜個圈就走，如果唔係前日自己去過，根本就冇時間影相。

參觀完酒廠又上車返台中，勁塞車，又忽然下大雨，好彩已經上到車，塞車同大雨都話之佢啦。六點半左右返博奇大飯店。
台中day 3 完