♣♧1101 - 飲食小記♧♣

星期六都冇咩特別,主要係想話食咗個麥當當新嘅和風芥辣魚柳包,係單層,因為以前出過雙層魚柳包,食過唔算差,但食多塊就肥多啲,呢排非常時期唔好食咁多,因為唔想再肥落去,

夜晚忍唔住食咗一件cake係東海堂的綠茶紅豆芝士蛋糕,好細件,好似一件普通西餅咁細件都要18蚊,不過都幾好食,算啦!

夜啲就睇波,車仔好勁吖,再睇Liverpool,知佢個對手Tottenham Hotspur(熱刺)上場4:4迫和Arsenal咁勁,而佢本身又唔係咁差,覺得佢係反底嘅時候啦,於是好眼瞓都想睇波,不過我實在太眼瞓啦,睇完半場都瞓咗,半場小統計時好冇癮,因為無論射門次數,控球指數都係利記嬴.....真係有啲灰..... 點知七八十分鐘時我又醒醒地,見到已經1:1,而且熱刺個勢幾好,我就希望佢起碼頂住,令利記失兩分都好吖~

哈哈點知補時階段利記輸埋,笑死我啦~抵死呀,而家車路士得失球差榜首呀 ~不枉我恰眼瞓都睇呢場波~

之後開開心心瞓覺去~