╭。☆1012@飲飲食食☆。╮

 

十月十二日 (星期日)

去完迪迪尼真係超級攰呀，所以英格蘭場波睇到二比一已經瞓咗 ，第二朝瞓到成十二點呀，仲係好眼瞓咁 ，食咗少少嘢之後就出去行街，因為想買對長BOOT，但要平底，又要襟著，睇就睇啱咗兩個款，不過係個價錢啱啫，宜家時勢唔好，真係考慮清楚先好買，同埋主要係買咗都唔會依家著，要涼啲先著到，但幾時先再涼啲呢，可能到著到時已經六折啦，咁就好唔抵，所以忍忍手，睇定啲先～

由於冇咩嘢想買，因為之前個星期先買咗好多好多，所以寧願去 Starbucks食個tea好過，今次當然又飲green tea latte 再加件好濃朱古力味嘅蛋糕 ，唔知自己可唔可以整到咁濃味嘅蛋糕呢？

再行多一陣都仲係買唔到嘢，因為唔想駛錢，之後就食晚飯 ，影幾幅相，其實我淨係食咗龍蝦汁豚肉鴨胸意粉 咋，其他都唔係我食嘅！

 

有稻庭烏冬定食，我唔喜歡凍烏冬，所以唔係我食，

又有牛扒，更加唔係我食，

甜品好奇怪，係米通但上面又有啲朱古力同cream，

今次有個新嘗試係影相時打直影啲食物，平日真係唔會咁影呢～