(◍•ᴗ•◍)Strawberry Forever

好耐冇寫到BLOG，其實有好多時都影咗相，但係懶寫，想多啲嘢至寫，而且又好似食嚟食佢都係嗰啲嘢，所以最終冇寫到～又唔想學似某啲人咁揸流灘！仲有台灣都未寫完！好快會寫埋佢，等我！宜家係一個過渡期，希望遲啲寫返密啲！

尋日去咗尖沙咀近碼頭嗰邊食飯，最近係LCX啦！不過啲嘢唔平，魚一丁，California Pizza 等都排隊，Stage Café又好貴， 所以揀一間比較平嘅Strawberry Forever ，五六十蚊一個餐，仲可以半價食甜品呢！佢係Double Star 集團，亦即是Cake Box集團，所以芝士蛋糕甜品有一定保證，不過唔知點解竟然冇咩人食，自從青衣城間分店執咗之後，真係好耐冇去過呢間食飯啦！

我點咗雜菌意粉，有湯，唔配麵包配薯仔，仲好，因為冇麵包咁飽，甜品點了芒果梳乎里，我覺得唔錯呢！朋友點咗朱古力心太軟蛋糕，及士多啤梨布甸，賣相好得，而且都好食呢！原本意粉分量極少唔多夠飽，不過食埋甜品之後就好飽啦！咁飽嘅一餐每人都係七十幾蚊咋！

芒果梳乎里

士多啤梨布甸

朱古力心太軟蛋糕

你哋最鍾意咩甜品呢？