o(≧ω≦)oCandy Crush

熊平時在家的樣子。
玩手機同埋食朱古力。

啲糖好熟面口。
好似Candy Crush的間條糖。
熊原本唔肯玩Candy Crush。
佢話係白痴GAME，不過在我強迫之下，
熊都裝咗個app，迫熊send 心俾我。
熊宜家都有玩。
仲成日同我鬥高分。

我已經玩完手機的275排，要玩就要玩DESKTOP版。
不過我都仲會同熊一齊玩，熊玩邊排我又玩邊排。
佢過唔到排我就玩俾佢睇，熊高分過我時又會Cap screen俾我睇。
HEHEHE
雖然好無聊，但紀錄低都好。
日後睇番大家都會覺得好笑。


補寫番哂blog都幾開心，原來不知不覺寫咗二百幾篇啦。
原來熊都鍾意睇我個blog~有時寫番睇番覺得嘈交好無謂。
可以自我檢討吓。
唔開心時又會睇吓，記得熊對我好。

原來openrice有個叫「架架麵」的寫食評。
佢喺fb都有group，佢係第一日拖手仔開始寫食評，
已經有五年了，佢哋宜家仲影結婚相，好事近啦。
我都希望我可以keep住寫落去啦。

20130327 - ╭。☆ 澳門遊 - 旅遊塔☆。╮



3月27日星期三。

一家人去澳門，去年係去韓國，今年原本想去日本，不過嫂嫂有喜，唔敢坐飛機，於是過大海坐船好過。
氹仔好多新酒店，金沙城中心有Holiday Inn, Conrad 同埋Sheraton，搶客，我哋今次住Sheraton，
一行七人。

Sheraton 當然唔差，大

 

 新。

 洗手間勁大，有浴缸同企缸各一。

 仲幾好view，不過呢幾日都係落雨同天陰陰，好view都係灰灰地。

 一點左右坐船，所以去到就係check in 先，再去旅遊塔食tea。
我們買了團購食tea，每人一百元包tea set同埋上去旅遊塔觀光。

等爸爸過來，在地下影個假塔。

 個套票「旅遊塔下午茶套餐連58及61觀光層門票」，澳門旅遊塔本身觀光門票都要成舊水，所以都幾抵。

上到去已經四點，未食晏，超級肚餓呢，
見到個三層架high tea set好開心。

 除了三層架外，仲有額外一碟中式點心。

 似素粉果，ok。

 炸x丸ok。唔算好食，不過好肚餓，所以都食哂。



但食三層架的就好大問題，最底層的甜品好難食，好甜，仲有怪味，最好食是塊綠茶曲奇，件cheese cake 味道冇事，但texture唔得，好粉。
其餘的直情唔食得落口。

 中間的鹹點，兩個spoon的都仲可以，類似蒸蛋的好難食。
鹹唔鹹，甜唔甜，唔知做乜事。

 最好食係生果，好甜。

 旋轉餐廳，360度睇馬交，如果好天真係殺哂。
至於食物就.....唔好有期望。
一百蚊上個塔唔好有咩要求啦。

 塔身最高處達338米之高，而觀光層分別晌58樓（室內觀光層223米）同61樓（室外觀光層233米）。食完就去58樓室內睇，其實包埋望遠鏡，不過冇咩好睇，反而最開心係喺啲玻璃上行，有啲人好驚，媽媽好驚呢，
我同熊的腳。

 最後仲癲到喺度跳....。一邊跳一邊影相，另旁人側目，我哋玩咗好耐，咩都抵番哂。

 之後再上樓上就係61樓室外觀光層，唔見有人玩「空中漫步」，但間中有人玩高飛跳，我唔敢玩呀。

玩完一大輪等的士去番議事亭前地。等的士事，教熊玩pan 鏡，pan 架車。.....呢張算是成功。

20130327 - ╭。☆澳門遊 - 好味葡菜☆。╮

3月27日星期三。

去完澳門旅遊塔之後，就坐的士去議事亭前地一帶，因為想去大三巴牌坊。

去到黃昏，當日天陰陰，但都幾靚，因為開始著燈。

 行上大三巴的路上見到附近商店有間條熊的朋友。

 去到大三巴牌坊一帶了。

 黃昏景，正。唔係好多人，唔錯，今次係第四次去澳門，但次次都要去牌坊，覺得好靚。

 上年同熊來的時候是上年農曆年前，有中式燈架。今次少好多人。好舒服。

 之後我地去食葡餐。
大堂街八號，Restaurante ESCADA。

 歐陸式的格局，有兩層的。

 點了一個SET，所以有湯。

 lemon蜆，好味呀。

 當然少不了sangria~ 果味酒味恰到好處。
好balance~

 馬介休球。

 跟set的是牛扒，我唔食啦。 佢地話好鞋喎。

 



雪魚，好好味，好新鮮。

 

 

 sucking pig，好味，脆脆的表面而肉質仲係滑，點了兩份。

 炒飯就略嫌普通一點。

 跟set有一個甜品，焦糖布甸，賣飛佛之一。good~

 跟住去附近影相，都是議事亭前地一帶。

 後巷都有畫架。

 仲有條巷仔有好多花，好歐陸feel。
我同熊兩個食完就去影吓相，行一陣先。

 之後去九如坊食甜品。
哥哥嫂嫂話九如坊的木糠蛋糕好好食。

 六層的，一般好少咁多層。唔錯，好味，不過都幾貴，60-70蚊樣甜品。

 呢個berry杯，好多鮮berry ，好味。

食完回酒店休息，day 1 完。

20130324 - ♣♧元氣壽司♧♣

3月24日星期日

我哋行完雲泉仙館同鶴藪之後都有啲攰，
送了熊媽媽返家之後，我哋就瞓一陣，可能因為曬完之後好鬼攰，
恰咗一個鐘左右，就大約九點左右。
上次睇完雲圖之後大約十點去元氣食壽司冇咩人。
今次九點幾去到都好快有位。
勁食壽司，熊好少食元氣壽司，佢話因為十幾年前去過金鐘間元氣食過壽司見到有條鼻毛就怕怕了。

不過其實元氣幾好食。

拖羅。

 芥辣墨魚仔，好好食，因為我好喜歡食wasabi   ~

 鰻魚，貴貴呢。但好好食。

 三文魚，唔知咩辣醬，其實唔辣，是季節限定的，好味。

 都是季節限定，魷魚。好爽。

 元氣卷，有三文魚同青瓜，仲有魚。炸魚good。

 我地叫了四件鰻魚，即是一人兩件。 好味。

 魚。

 仲有北寄貝。

overall 都好味，覺得好食過板x。