20120317 - ╭❤╯╰❤╮2012花展

3月17日星期六。
請了半日假，想早上去花展，少人啲，又冇咁曬，
而且係花展頭幾日，啲花會新鮮啲。

約了朋友一早去到。
都係影吓花。
其實年年都影，已經冇咩新意，影相又冇進步。
影嚟影去冇創意，跳不出舊有的框框。
但又唔捨得唔唔去。
一年得一次，唔去就見唔到靚靚的鬱金香了。

 有樹熊，好得意。

都是鬱金香。

這個低炒角度，算是新嘗試。

 似花灑頭。

 紫色花，好靚。

 風信子，好靚。

 和風擺設。

 差不多影完，熊就來到維園接我，我地去了旺角的calfornia pizza kitchen食嘢。

呢個好好食呀。

 又食了海鮮pizza。

之後行一陣旺角熊就送我返屋企了，因為佢約了朋友呢，但都總叫做見了一面。 :)

20120316 -╭❤╯╰❤╮ lunch @798 unit & co

3月16日星期五。
星期五開心啲，大家間中出去食吓lunch。
今日去試798 unit & co。
好耐之前去過tst厚福街食過夜晚，印象唔錯。
原來中環都有的。

環境好好，好新。

 餐包用個袋住。

 同中環大部分西餐廳一樣，semi buffet，即是頭盤沙律，湯任食。

任食都冇用，食唔得幾多，而且怕肥，
沙律ok啦，唔算得上好好食，冇咩驚喜。

 main course之一雜菌意大利飯，ok。

 另一個唔記咩紅米飯，都ok，不過份量奇少啊。

甜品奶凍，好一般，個樣好過實際味道。

overall質素一般，可能因為set的關係，冇咩驚喜，同等質素在中環實在太多選擇了。

20120316 - ╭❤╯╰❤╮三聖邨

3月16日星期五
星期六請了假，唔駛返，可以去玩耐啲。
同熊去了三聖邨食嘢。
熊住屯碼附近，都幾近三聖邨，
三聖邨食海鮮好出名，我就唔知道了，三聖邨聽過嘅，但未去過。

附近好多地方賣海鮮，亦好多小店即時幫你整海鮮。
除咗咁之外，燒鵝都好出名的。

我哋當日食了燒鵝，

 同埋魚，熊好喜歡食魚。


當日天氣唔熱，夜晚幾舒服，坐露天，食食吓跌啲花落嚟。幾有風味。 哈哈。

20120314 - ╭❤╯╰❤╮Apple Green :)

 3月14日星期三。
同熊去CWB 的Apple Green食晚飯。
我同熊未拍拖的第一次約會就係在CWB 的Apple Green。

三個月後我倆重遊舊地。
第一次食飯時冇影相，所以冇相可以比較。
我仲記得我食嘢食到啲嘢周圍飛，熊佢話佢當時忍住笑。

三個月了，特登回到Apple Green。
從此cwb 的Apple Green 成為了我倆紀念的餐廳。


今次點了蝦沙律。

仲有意粉。

今次我倆冇去食甜品了。

行一陣，坐車返屋企，
三個月過得很快，日子過得很開心，見面的片段歷歷在目，彷彿就是昨天一樣。

可惜回家途中，跌了熊送俾我的手鍊，熊打去餐廳列問有冇執到，冇了。

好傷心，定情信物就咁跌了。

20120313 - ╭❤╯╰❤╮壽司派

 3月13日星期二
同熊放工去沙田逛逛。

送我返屋企會方便少少。
又可以陪熊行街睇衫。

沙田好多間食店都成日排長龍，一間POKKA， 另一間翡翠拉麵小籠包皆是長龍食店。

我哋今次去壽司派，WEEKDAY 冇咩人排隊。
點了鰻魚飯，近來好多食日本嘢的地方，有種叫穴子的，都是鰻魚，但係個醬汁好怪，似以前細個口臭魷魚的醬汁。
好彩呢個唔係，係傳統鰻魚飯的醬汁。

迴轉帶上好少壽司可以揀，如果想食壽司，都係揀

吞拿魚三食，都唔錯

 另外叫了一SET三件的壽司。

 仲有魚。

 三文魚九蚊碟，所以ORDER多少少。三文魚唔大塊，但都算肥美。OK

由於已經order了個鰻魚飯，所以唔駛食太多壽司了。

open rice 啲comment 好差，我覺得冇問題喎，唔係好好食，但唔係差囉。

20120311 - ╭❤╯╰❤╮天氣凍Hea hea

3月11日星期日

原本想去行山，點知天氣忽然轉冷。又凍又濕，濕凍就似特別凍，落雨行唔到山，

結果熊就整咗原本用來行山的三文治喺屋企食，hea hea，好大雨，結果邊度都冇去。

凍凍就不如瞓晏覺，

仲食少少藍莓。

似一份早餐多啲。

熊媽媽煮嘢食好叻，成日整嘢食俾熊拎返屋企食，呢個就係佢整的腸仔卷，好好食，熊用焗爐焗到好鬆化。

 夜晚熊就煲啖湯飲吓。
同熊一齊咁耐，好少hea 足一日邊度都唔去的。
今次都算少有。

20120310 - ╭❤╯╰❤╮18Grams + 越棧

3月10 日星期六。

同熊去了旺角行街，之後就去了18grams 飲coffee， 18grams 的咖啡同holly brown 差不多質素，係好好食的，仲有all day breakfast，

由於出名好食，所以經常都好爆，要4,5點至少人啲，當日成5,6點至食就ok，冇咩人

coffee 一貫好飲，

之後又搵唔到戲睇，於是就返去屋企瞓一陣。星期六都係heahea。
hea到夠之後就去了附近的越棧食嘢。
出名食越南嘢，質素overall都ok。
冇叫set，散叫好過。

香茅雞翼湯檬粉。
雞翼同檬粉分開，唔會浸林。

 雞翼整得幾香。

 個越式拼盤幾好食。有豬扒，春卷，蝦餅，扎肉蝦片，。
樣樣都幾好食，蝦餅唔錯，彈牙啖啖肉咁，春卷比較多油但都夠脆身。其他嘢都恰到好處，菜又夠新鮮。幾好食。

20120309 - ╭❤╯╰❤╮Ebeneezer's

3月9日星期五
星期六不用返工，可以同熊hea 耐啲

同熊坐車去了黃金海岸食kebabs
同熊一起冇耐，約了熊在中環食飯，點知先醒起預約了要做回鄉咭，於是熊就特登去灣仔買了kebab過來中環帶我去中旅社，陪我等做回鄉咭。
依家諗番起都好開心。當時熊話買kebab，我都唔知係咩，食過之後覺得好好食。
宜家一食番呢間的ebab就會想起熊對我的好了。

估唔到黃金都有，其實有好多分店，係我唔知訂。

 點了雞肉沙律，蔬菜好新鮮，溝埋個醬好好食，唔知點解綠綠地色的醬，好味。

當然少不了kebab，呢間的kebab水準真係幾好。醬做得，令到個卡巴好好食。

 仲有pizza ，都好食，不過只是個人不太喜歡太多olive。(其實中東菜係多olive的)。

 同熊一起之後，識食卡巴，每次食卡巴更會想起熊的好。

之後返去熊的家中飲熊之前煲的湯。

20120305 & 07 ╭❤╯╰❤╮食記

3月5日星期一
一早放工快快脚走人，諗住同熊去西九龍中心試隱家掛麵，點知大家冇做好資料搜集。原來星期一係唔開的。
於是同熊在西九龍中心行一陣，買咗啲襪，仲買咗件血腥熊外套俾我。

最後我哋係深水埗掃街，食咗煎豆腐，豆腐熱辣辣又新鮮，都幾好食。

 豆腐花，再掃其他嘢食，間中食吓都唔錯呀。

3月7日星期三，

同熊在公司附近食粥，熊喜歡一星期食一次粥清清腸胃的。
食粥都係舊粥店好食，

我最愛食豬膶粥的。

 我哋仲會叫炒麵同炸兩，
其實好HEAVY，清唔到腸胃。

20120306 - ╭❤╯╰❤╮lunch @ Daddyos

3月6日星期二。

同同事去了soho 區的美式餐廳lunch。
好似話好好食。

 一貫美式炸嘢，炸薯條，啲人話好好食，係好新鮮嘅，不過太熱氣了。。

 焗飯，有啲似普通餐廳的焗飯。

 pizza都幾好食，不過唔算好特別。

 ribs幾好食，美式嘢一定會叫ribs~

 秘製雞翼 : 要了原味帶小小辣味,味道很香,很惹

大大隻雞翼，可能是焗的關係，雞翼的雞油焗了出來，但是內裏還是充滿肉汁，好正。

overall普通，唔覺得十分好食，可能本身對美式煎炸嘢冇咩好感，所以都係同同事食吓吹水就算。