20161115 - ✿｡◕‿◕｡✿打劫

11月15日星期二

在媽媽家（婆婆）有把玩具刀，是表哥的玩具，拿來開玩笑，恐嚇小豬，小豬正在扭抱時面容扭曲，就好像遇劫時慌張的樣子。

既然呢位阿叔咁入戲，俾個飯盒佢。

呢個媽咪係好無聊，搵個仔來開玩笑。

20161114 - ╭❤╯╰❤╮超級月亮

11月14日星期一

今晚熊人不返家吃，因為去剪頭髮，我哋宜家開始俾bb試戒夜奶，所以晚上七點食奶比較平日早一小時，食完先到我哋食飯，我哋食完飯就早啲可以返屋企，

熊人剪完頭髮返到家九點幾，佢話樓下好多人睇月亮，我哋於是抱埋豬仔一起上街看。我拿大機影。

呢個係超級月亮，雖然豬仔唔識睇，但算係我哋一家三口一起睇過。

20161112 - ❤豬仔的玩具❤

11月12日星期六

日日冇嘢做望熊人放假日，熊人星期五晚上夾band,嘈交了，早上起來又和好了。我星期二四跟媽媽去買餸，星期六就同熊人去附近買嘢同食嘢，冇咩娛樂，早上熊人整的早餐，記得都想影吓相，士多啤梨加西多士，之後就去附近看看有什麼要補給。

生活有點悶，我宜家放假，其實可以去街，不過又唔捨得隻豬，日後返工可以見到豬仔時間太少，只有每天八至一及星期六日，所以不想離開隻豬仔，而且有時姐姐餵夜奶好辛苦，日頭我盡量在家中餵奶，減少他的工作量，下午二至四我知道姐姐做好家務，我會讓她休息，自己帶小孩，如果我外出，佢就連小休的時間也沒有了，所以放假這麼久，除了跟媽媽買菜，及看醫生外，基本上沒有外出過。或許讓👶🏽戒夜奶我才放心吧。

今天趁有空閒，就整好一盒床上音樂吊飾結小豬，這個全新的，是爸爸朋友送的，當年表哥已不需要此吊飾，媽媽就留起給我？

小豬因此有新吊飾。趁有空也找些玩具，衣服出來，免得過了時候就浪費了。

20161110 - ❃ ❃喜歡清涼 ❃ ❃

11月10日星期四

呢兩日天氣轉涼，凍凍地好舒服，最開心係bb都好聽話，係咁瞓，唔再吵吵鬧鬧，好乖咁瞓好多，唔駛成日扭抱。

由於睡覺時間長了，我自己也多咗好多時間，可以做自己嘢，上網，跳舞等。bb鍾意清涼，瞓得多，好似冬眠咁，幾好呀，如果bb成日都係咁就好啦。

20161107 - ♯♮去婆婆家 ♯♮

11月7日星期一

今日第一日同豬仔去媽咪屋企。坐完月，可以周圍去，又可以日日見返媽咪好開心，返媽媽家係最開心的事。

豬仔來到媽媽家唔願訓，有表哥同另一位姐姐同佢玩，佢完全唔瞓又唔喊，好媽媽(婆婆）話佢好定，五至八都冇瞓過，但其實我心知不妙，同平日好唔同。

結果回到家中就唔肯瞓醒瞓同吵吵鬧鬧，一人多就作怪，希望豬仔盡快適應啦。

20161104 - (￣３￣)a陪月last day

11月4日星期五

今日陪月最後一天了，有點不捨得，但還是要接受，要好好走下去，

媽媽拿了豬仔的滿月金鈪，

三點幾要去健康院打針，好彩陪月同我一起去，三時多去到磅重要除衫，豬仔狂哭，之後又肚餓，開奶俾佢食食吓又瞓著了，到打針時豬仔睡著了，打針一刻豬仔就狂哭了，不過過了幾分鐘之後又再睡了。比想像中好呢。

回到家裡就是跟陪月結算的時候，珍重，後會有期。

20161103 - ✿｡◕‿◕｡✿滿月

11月3日星期四

今日係豬仔舊曆滿月的日子。

話咁快就一個月，希望豬仔快高長大，生生性性，識分日夜，盡快戒夜奶。

陪月姨姨買咗個栗子蛋糕俾我哋，真係好開心，我坐月都忘記要買蛋糕。好彩有個蛋糕慶祝咋，仲有嫲嫲的紅雞蛋。

20161029 - (⊙＿⊙)要放下

10月29日星期六

上星期仲餵人奶，今個星期停餵了，十萬個不捨，起初覺得餵人奶怪怪，但後來覺得很溫馨。

現在不能餵了，真的很傷心，跟豬仔最親密的接觸沒有了，都是因為自己不夠堅持，如果堅持多一點埋身餵就不會沒有了，原本奶量其實不少，只是自己沒有把握機會，不珍惜嗎？現在想挽回也不能了，不能給豬仔最好的😢

既然不能餵就盡情吃，去附近行吓，食餐好的。食蛋糕。兩個人食一件經典士多啤梨蛋糕，好喜歡奶油很滑而不膩口，很輕很鬆軟。

意粉，呢個南瓜菠菜係素意粉，但味道又很夾，南瓜令到味道豐富，有點像咸蛋黃。

貪平點一個下午茶餐的薄餅，餡料不太豐富，幸好薄餅很脆及薄，還不錯。

最期待也最治癒的是一杯餐咖啡，接近九個月沒嘗過咖啡的滋味，算是沒有母乳的一種安慰。

20161029 - ✿｡◕‿◕｡✿第一個buddy

10月29日星期六

每次星期六日記得都會用大機同豬仔影相，今日就搵佢表叔送的熊大套裝的熊大出來俾豬仔。

豬仔未識拎嘢架，擺喺豬仔身上迫佢拎住😁。同豬仔影相。

熊大就係豬仔人生第一個朋友仔啦。件衫未著到住，大啲先可著熊大衫。

20161027 - (〒︿〒)唉

10月27日星期四

陪月每日都會問我上奶情況，至從十二朝寶貝性情大變之後，我每晚睡不安穩，奶量減少。

上星期五寶貝嘔奶之後怕了埋身餵，好像越來越少奶。

陪月幫我催乳都不太有用。今天早上陪月叫我打定輸數好了。

看到寶貝做心口黨，但我再也不能給他最好的，他哭時也不能給他安撫，真的很傷心。最好的時機過了就是過去了，應該很難再挽回。很不捨得。但還可以怎樣？再後悔也沒意思。

幸好看到寶貝還是開心的。

陪月今天叫我開心啲，整個餸都有哈哈笑公仔。

今日寶貝沖涼照，肥咗好多。