20160324 - ❀❀舉家大阪遊(3)黑門市場+蟹道樂❀❀

3月24日星期四

今日早餐就係兩口子去了黑門市場食，食咗燒雞翼。

鰻魚飯。

呢個魷魚。

仲有關東煮，平日唔會點食關東煮，不過今次天氣好凍，早上得幾度，看到出哂煙的關東煮又真係好吸引，佢啲白蘿蔔係好甜，好好食。

呢隻墨魚仔內釀粒鶉春蛋係好特別，我哋上次都食過，估唔到健康的熊人唔怕高膽固醇想食。我當然即刻話好啦。

一人一隻，好滿足也好邪惡。

仲食咗個蛋卷。

我哋的午餐在公園內的餐廳吃，食咖哩飯，炸蝦，一般啦，不過幾好坐，落地玻璃望住外面，可以休息下。

哥哥嫂嫂好想吃蟹道樂，不過心齋橋附近三間都爆哂，佢哋上次嚟都食唔到，越食唔到就越想食，原來梅田都有。於是我哋過來梅田等定位。

其實蟹道樂食過一次就夠哂了。而我宜家更加不應該食蟹，所以我同熊人爸媽只點了三個餐。

但我好多都唔食得，唯有讓俾爸爸媽媽食。

個個餐都有魚生，爸媽不吃魚生，熊人一個食哂 >__<

我食吓啲蒸蛋。

佢哋話個蟹蓋好腥。

我食得比較多係呢個飯。

甜品。

由於佢哋好攰，冇再行梅田，而我同熊人想幫媽媽買豬衫，順便去奸夫朝聖。

不過冇咩嘢想買，因為都幾貴。只買咗隻富士山熊。

返到酒店仲有嘢食，佢哋在神戶買的甜品。

幾好食，但巧貴。

布丁得個貴字，好一般。

我哋在梅田買的綠茶卷大約1000多元其實抵食夾大件，呢間每次來大阪都回幫襯啊。

20160324 - ❀❀舉家大阪遊(2)萬博紀念公園❀❀

3月24日星期四，

今日係同爸媽哥哥佢哋分開行程，佢哋去神戶麵包超人館，我哋兩口子就去找櫻花，

今次去的地方是万博紀念公園，之前幾次都未去過架，我哋早上去黑門市場食早餐，所以由日本橋站出發，

日本橋站-->從大阪單軌電車線万博紀念公園站徒步約5分

大阪市営堺筋線---> 阪急千里線 (北千里方面) 不用乘換

山田轉乘大阪モノレール(non 空港方向)

今次坐的モノレール可往大阪空港，(不是關西空港啊)我哋轉車時，見到有間百貨公司有奸夫賣，賣咗隻長手長腳間條熊。 :)
呢個係モノレール(mono rail)月台。

万博紀念公園站一出去行去對面就是公園。

位於大阪府中北部千里山丘陵東側的萬博公園,是 1970 年舉行的日本萬國博覽會會場舊址。公園面積達 264 公頃，其中鋪設了一條東西走向的大阪懸挂式單軌電車。

單軌電車線的北面有日本式庭園，設有“千里庵”、“萬里庵”等茶室，還有一年四季可觀賞各種花卉的自然文化園。這裏還集中了不少文化設施，其中有分地區介紹世界各個民族生活和文化的國立民族學博物館，以及國立國際美術館、大阪日本民藝館等。


公園周圍有可容納 390 輛小汽車的露天電影院“新明星”，遊人可以不下車坐在車內觀看電影，另外在丘陵上還分佈著“千里之湯”等溫泉，這些天然溫泉的泉水來自 1000 米深處的地下，遊人可在此輕鬆地享受洗溫泉澡的樂趣。

入口已經有少少櫻花啊。

呢個係公園的地標。

公園好大地方，好多唔同種類的植物，應該頗多櫻花樹，只是好多都未開，

得一兩棵係開咗，對於未見過櫻花的熊同樹懶，已經好開心了。要勁影。

除了影櫻花，也可以影間條熊。

仲有梅花，我哋香港都少見到梅花。

洋水仙。

間中見到有一砍棵櫻花樹盛放，已經好開心。

熊人在櫻花樹下。 :D

櫻花有好多種，起碼呢種係有少少花紅色，係唔同。

仲有台灣山櫻，台灣山櫻是下垂的，各有美態。

其實呢個公園好大好多花，唔同季節有唔同花，稍後會有鬱金香，不過看來我們真係早咗啲到。

兩旁都是櫻花樹.......只是未開而已，如果滿開時候，我走在這路，或坐喺下面，應該會感動到喊。

呢隻花又可能是另一品種，好靚好喜歡。

行吓，坐吓，仲食埋LUNCH，到四點幾先走，走時都影多次地標。

如果遲一兩個星期到來，呢度應該有好多人來賞櫻。

20160323 - ❀❀舉家大阪遊(1)到埗食一蘭❀❀

3月23日星期三。

 

今年EASTER 在三月底，我哋一家人去大阪，有爸爸媽媽，哥哥阿嫂姪仔同阿嫂媽媽，當然仲有熊人同樹懶，還有其他心唔知道在肚內九周的小小人日比。

 

又去大阪了，四年內第三次，好似返鄉下一樣。

未試過3,4月去日本，希望可以有櫻花，不過今年天氣比較凍，出發前看過日本天氣預告3月27日才是開花日，開花日只是開六成左右，其實要滿開才是合時候，每年大概四月頭才初櫻花，今次早了差不多十天，可以看到多少櫻花呢？

 

當然我還是準備了不少可看櫻花的行程，畢竟已經第三次到大阪了，可找一點行程跟之前不同。

今日原本是九點半的UO機，不過在二月時被通知取消了該航班，要改到十二時多，原本半天行程再加上DELAY了近兩小時，差不多兩時多才起飛，到埗已經是晚上。

今次不是住酒店，而是住民宿，APARTMENT可以夠一行九住的，地點是難波附近的今宮轉戎站，或者是地鐵的大國町站，跟難波爭一個站，由機場到民宿都是坐，南海電鐵空港急行線。

 

到達之後，放低行李就坐地鐵去吃吃。

又食一蘭，今次呢間一蘭不是河邊的，幾層樓都係佢，其中有台屋形式，由於我們一行九人有老有嫩，所以坐屋台好過自閉位，不過都要分開兩枱坐。

媽媽十分十分喜歡一蘭的拉麵，當然隻蛋真係唔錯，佢係糖心之餘有醬油味的，其實日本食拉麵係冇可能食唔到糖心蛋，而麵質事實上都好好食，由於份量不是太多，媽媽想吃兩個。

佢哋仲點咗個甜品，不過應該一般，我記得甜品只是一般。

之後同媽媽行吓影吓固力果呢個例景，人好多，好似越來越多人，一次比一次人多。

上次間窩夫店仲健在，今次人多，買了兩個吃。今次有試PANCAKE，可惜綠茶味賣哂，

 

朱古力香蕉，大家都讚不絕口。不過好晏了，好多款都開始冇得賣。

 

之後再排隊買章魚燒，吃吃喝喝，DAY1就完了。

 

講返民宿係幾正，一共有4間房，在AIR bnb找的，有兩層，有飯廳，廳，微波爐，兩個洗手間，冇火煮食的廚房。最美中不足是只有一個浴室。我咃日日喺度食早餐同宵夜架。

三張床的房

和式房

呢間就細啲。

地點同難波爭一個站，但如果去大國町站其實幾近，臨到民宿仲有間7-11便利店，可以買定早餐杯麵，麵包及零食，人多住都好正架。