20150409 - •●◕台中(3)埔里酒廠+紙教堂◕●•

四月九日星期六

參觀完青青草原之後，今日有其他景點，埔里酒廠及紙教堂。

埔里酒廠由台灣菸酒公司經營。主要出產紹興酒，愛蘭白酒，愛蘭喜酒，近來轉型作為觀光用途。

讓民眾祕觀酒的製造及文化，也有售賣佐酒零食。

看過埔里酒廠之後，我們去看紙教堂，這是近來新興的景點，

這個紙教堂，本身是1995年日本阪神大地震興建的，為震災後的希望重建之地。在台灣921大地震之後。為延續紙教堂的使命，特地由日本空運過來。

說明紙教堂，當然由紙製造出來，柱子椅子都是由紙做的，但一樣可以坐。

紙教堂附近環境很優美，有花

也有池塘

這個是例景，如果太陽充足，藍天白雲，水的倒影會很美。

紙教堂附近有咖啡室，參觀完可以找點吃吃，休息一下，欣賞一下四周的環境。

20150409 - •●◕台中(2)青青草原◕●•

4月9日星期四

一早就起身去食早餐，天氣又凍又大霧。

民宿都有啲花影吓。

仲有啲紅葉，不過同日本啲紅葉好唔同。大霧，所以有好多霧水。

我哋間民宿唔靚，但有露台。

早餐都喺民宿食，

之後去青青草原，慢慢行，我去過兩次都係唔好天氣，今朝都是天陰陰好大霧，但晏少少就開始有太陽，

地勢高，看到雲海而且有太陽霧又開始散，好靚，有草地有雲海有山有羊，好促去咗外國咁，

隨意影張相都好靚。

呢個位係青青草原的例景，地方大有草地，我哋周圍行，好快就過。

20150408 - •●◕台中(1)到埗+清境◕●•

4月8日星期三

同家人參加旅行團去台中玩四天，台中我去過兩次了，不太想去，但因為一家人去旅行，意義不同。我們去到台中近三時，再到清境已經接近四點了，第一個景點是小瑞士花園，今次小瑞士花園又幾多花，記得五年前都係四月來好凍冇太陽好大霧，冇花。今次來好多花看。

花的品種唔算多，花展都有，不過地方大，可以當花海咁影人像。

上次嚟真係冇乜花，而且個朋友又唔愛影花。今次就唔同度度都係花之外，仲有同老公一起，熊人會同我影相。

好正的蒲公英。好難得可以近影。

可能熊人又幫樹懶影相，所以度度都靚啲。

冇乜好做影完相睇吓啲鋪頭，當然仲有間好多嘢賣的七仔。

之後返去民宿，就係上次同熊人住的民宿對面，都係好簡陋，唔係太靚。不過幾家人都幾開心，晚飯民宿包，不過麻麻地，我哋經領隊買咗啲雞就幾好食。

20150405 - ♪♬♩♫活化青恩營♪♬♩♫

4月5日 星期日

都係復活節假期，約咗伴娘行山，行啲容易的就係馬鞍山上的基維爾營地。

熊人駕車過埋馬鞍山村先停，行少好多路。當日天氣有成28，29度，所以超級熱。

但一上到去山上又有另一番景象。有風，不太熱，仲有好多人玩滑翔傘。

個景好靚，可以看到西貢，當日天氣一般，不太清，應該夏季時會好靚。

之後落山時忽然想起想去馬鞍山的教堂仔　，聽聞有個教堂仔幾靚。終於搵到，原來已經活化了。叫做活化恩青營。

有工作人員介紹呢個係基督教堂，附近仲有個天主教堂已荒廢，呢度仲有介紹少少馬鞍山礦村。

呢度間唔中會介紹導賞團，遲啲會買咖啡機咖啡豆，大家可以在呢度嘆咖啡。

睇完呢度就去番馬市譚仔食米線，之後就返家。

20150404 - ✿｡◕‿◕｡✿淺水灣一天遊

4月4日星期六。

長假期第二天，一早安排好同屋企人去淺水灣3D畫館。

由於唔知正確位置，一開始去了淺水灣酒店。

呢間酒店已經歷史悠久，所以都幾特別架。呢個水池位算係例景。

3D館是在YAHOO團購八折是買的，大約120元一個人，但有兩層，同埋好多幅畫，我未去過，覺得好得意，可以扮鬼扮馬咁，爸媽都覺得好新鮮，大家嘻嘻哈哈，影相都玩咗成兩個鐘。

之後就返回馬鞍山一早BOOK好咗的和民食飯。

仲食咗杯烏龍茶雪糕。

今日好充實的一天，不過熊揸足一日車就辛苦了。

20150403 - ☆★家中hea 食★☆

4月3日星期五，

今年easter我放十日假，因為之後請三日假，連星期六日共十天。

第一天就係在家hea，

熊一早整了英式早餐。 

之後再從網上自學咗西班牙蛋餅，

熊人好厲害，幾下散手就整好了。似模似樣呢。

20150402 - (/≧▽≦)尖咀逛街

4月2日星期四，

明天就是十天假期開始，終於可以休息下了。一於同熊去周圍行下先返屋企。

我哋去行TheOne,因為有熊本熊，本身唔係好喜歡熊本熊，不過見話整得幾靚又睇吓。真係整得好靚，好日系。

影唔少相呢，隔離仲有小忌廉pop up store，好靚呢，不過啲嘢好貴。

熊人仲話睇親都係中女，中女集中營。

最後買咗key holder

之後就去ramen champion食拉麵。

綠色呢個幾好食。之後再去McCafe嘆咖啡蛋糕才返家。