20130413 - ☆★海浪公園★☆

4月13日星期六

因為熊的朋友生日，大家一齊入去海洋公園玩一日。
一開始睇吓海洋生物，例如水母。

 海馬。

 由於冇大機，所以啲相影得唔好，好多魚都影到鬆郁濛。

 冇咩郁嘅就好啲。

 都係影吓熊貓。

 安安成日瞓，佳佳唔見咗，變了金絲猴。

 好得意的公仔。

 因為有隻猴子，所以出面啲公仔都加咗隻猴子。

 好夾硬嚟囉。

 迎迎樂樂比較生猛。

 仲有小熊貓，之前一直冇睇過，冇影過小熊貓。

 好得意呢，第一次睇，好似公仔咁。

好可愛呀。

 之後再去一去香港老大街。

 影咗少少相就坐吊車過去山上。

玩機動遊戲。
呢個動感快車第二次玩啦。
上次係halloween時玩，超級驚，今次再玩。
竟然完全唔驚。
下次嚟可以玩多幾次。

 仲玩咗啲小兒科的。

 也有睇動物，不過冇睇企鵝啦。

 呢幅好似去了北極，其實只是在門口影公仔。

 晚上去了bubble sushi食放題，320一個人，都唔平，好似5個一個free，另外生日會送刺身蛋糕。

 價錢唔平，不過刺身好新鮮，其他食物都好好味。例如豚肉窩，串燒等都不俗。

不過魚生不宜一之食太多，我唔多受得呢。

20130408 - 10 - ❃雜記❃

4月8日 ，星期一

原本想去熊公司附近的品蘭軒飲夜茶。
點知間嘢已經改咗名，唔做飲夜茶。
冇得飲夜茶，一時間又唔知食咩好。
周圍行吓啦。
見到有間好舊式的快餐店。
叫智多星，有少餸食飯，於是試試。
一個SET只是30-40元有湯有飯有餐飲，好抵，
佢個LOOK似以前讀書時代的快餐店，我想係呢個區至有。

熊係附近做咗幾年都未嚟過呢間食，原來好多人係食啲鐵板，所以真係好似以前的快餐店。

點了咕嚕肉。

 同埋涼瓜排骨。都OK好食。仲有例湯都可以。幾鍾意食苦瓜。
唔苦。
只係奶茶就麻麻。

 4月10 日星期三。
又係去熊公司HEA HEA
食日本嘢，當然是小金井。今次食咗拉麵，平日成日都食。

仲食了個定食，呢個平日比較少食的。

有燒魚，又有天婦羅同埋三文魚壽司，咩都有，唔錯呢。

20130407 - ♪♬♩♫ 好味海鮮餐 ♪♬♩♫

4月7日星期日

行完水塘之後都唔係太晏，只是五點左右，
唔知食咩好，熊初初都未決定煮好定係出街食好，決定去街市打個白鴿轉，睇吓有咩好食再算，
因為近來蟹好貴，夾硬買啲唔合時嘅嘢就唔好囉。
行完之後買咗條斑同埋鮑魚仔。

又瞓咗成個鐘晏覺。
因為個鼻唔妥呀，食了鼻敏感藥，好攰呢。

兩個公雞碗，要來裝飯的，我地食好大碗飯。

 因為有支F1.8 50MM鏡喺度，所以影吓嘢食。
熊比較喜歡食海鮮，所以都係食魚。
呢條斑100蚊左右，非常好食，食魚最好，唔怕高膽固醇。

 另外是鮑魚仔半打，用了少少果皮去蒸，細細隻仲好，因為太大隻好UN的。

仲有本地學斗，不過比較老，有少少失望。

 兩個人三個餸，不過是自家煮的，健康又好味。



20130407 - (◍•ᴗ•◍)九龍水塘

4月7日星期日，

昨天開始天氣又再乾燥番，實在是行山的好時候。
打算hea hea地行吓，而熊揸車，最好就是行水塘一帶，因為水塘通常是繞水塘走一圈。
泊好車後，行完可以由差不多地點出來去攞番架車。

今次行九龍水塘一帶。
行山通常參考oasis網站。有好多路徑參考。


好多猴子。

 http://www.oasistrek.com/kowloon_reservoir.php

九龍水塘位於金山郊野公園，在金山以南，是本港第四個水塘。水塘建於1910年，其中的五項構建物，包括主壩、主壩水掣房和記錄儀器房等，已被列為法定古蹟。此外，在九龍水塘附近建有三個水塘，分別是梨貝水塘、九龍接收水塘及九龍副水塘，全部都擁有逾80年歷史。如要遊覽九龍水塘，可由大埔公路或城門水塘接金山路前往。

 

大埔公路--->九龍副水塘-->九龍接收水塘-->石梨貝水塘-->九龍水塘-->埔公路

在大埔公路下車後，由公廁側的長源路前進。走過九龍副水塘的水壩後，在支路右轉往九龍接收水塘。沿著塘畔的緩跑徑走，直到400米的標示杆需左轉泥徑上走至石梨貝水塘。


幾個水塘連住，城門水塘大好多，但呢度似迷你版，

 今日帶了窮人三寶之一的f1.8, 50mm定焦鏡。

 冇咩花，隨意影吓啲葉。

 沿路都好少人行，靜靜地，好過城門水塘咁多人。

呢段路最特別的是，中間有段用竹樹做成的天然綠色隧道。

 綠色山洞，真係靚到嘩嘩聲。

 天然竹樹，生生卟彎咗，蓋住條路，形成一段天然的綠色隧道。

 沿路都好多猴子，大家唔好亂餵啦。

水塘景色唔算好靚，不過有猴子睇都幾特別，始終金山郊野公園都是以多猴子而聞名，另外個綠色竹樹隧道都是特別的景色之一，
而且行路唔多，好易行，懶人HEA行之選。
而且又有巴士可以到達非常方便。