20120607 - •●❤倫敦遊(6) China Town & Covent Market❤●•

6月7日，

由於大英博物館關門，唯有走人，因為大英博物館好近CHINA TOWN所以就行過去，如果坐鐵可能仲唔方便。
大英博物館近Tottenham Court Rd, 一條直路可以行去  China Town ( Leicester Square)，都幾近。
行去的時候落幾大雨呢，唯有是但去一間餐館食飯，

 China Town會有中國加英國國旗。

 揀咗間食台灣嘢的，小籠包麻麻地，來到英國不可能太高要求吧。

 之後再點了肉燥飯，唉...點知原來係糯米，未食過肉燥飯係糯米呢，其實係強國人開的。所以唔太似台式食物。志在避雨。

 食完餐嘢又好好天，真係冇說話好講。

 又沿路行，就行咗去Covent Garden，

 Covent Garden係一個市集，有Apple Market 同埋Jubilee Market，好多自家制嘅嘢賣，不過價錢一啲都唔平。

 又有好多嘢食。

 仲有街頭賣藝。我哋睇咗一陣就走人啦。

20120607 - •●❤倫敦遊(5) - Museum 日❤●•

6月7 日，

來到倫敦之旅第三日
首先又自制了All day breakfast，今次仲自制了yogurt

 我哋今日去了兩間Museum。
第一間是好近酒店的National History Museum，
第一天到酒店之後再行出來時見到好靚

 由於好近酒店(Gloucester Rd)，所以趁未搬酒店前就去一轉。地點就在Cormwell Road。

 外觀有啲似教堂。幾靚。

 這間博物館於1881年正式開放，歷史悠久不在話下，更有兩大展覽館「地球館」與「生命館」。前者展品主要探索地球的演變史、天文和地質學方面；後者就陳列了很多爬蟲類、鳥類、海洋生物等的展品，還有恐龍展區呢！

 呢個化石好巨型，熊要影吓。其實有少少悶，再加上我個鼻敏感勁發作，睇完呢個返去酒店瞓陣，因為我個鼻好差呀。

 瞓醒決定去大英博物館。免費入場而且又可以影相，好大方，當然最好唔好用flash 啦。
大英博物館，有幾條地鐵可以搭到這兒附近(Tottenham Court Road, Holborn, Goodge Streetm  Russell Square)，上到地面上走幾個街口就到了。我哋在Tottenham Court Road站 行上去，

 最想睇當然係中國館同埋埃及的咸魚啦。
先睇中國館，超級多國寶。
唐三彩。

 根本係偷番嚟，仲可以偷人啲國寶放在自己地方展覽。
其實好無良。

不過咁，佢哋存放得幾好，應該可以保存得幾好。
而且佢又免費入場，可以俾大家欣賞都好。
起碼唔駛收收埋埋。

 真係咩朝代嘅中國嘢都有。

 行到咁上下就坐喺到食吓嘢，我地又有早餐啲麵包。
原來呢度都有嘢食賣。
不過都係cake 多。

 自助形式，唔食嘢都可以坐。

我哋都有幫襯架。

食食吓好似想收檔咁，明明睇過星期四五都收8:30架。
點知唔知係唔係因為呢幾日假期，所以關館的時間都有啲唔同。
今日係收5:30.....
嗚嗚，我未睇咸魚架......
最衰我今朝行完National History Museum就返咗去瞓啦。搞到睇唔切。
唯有聽日再嚟過啦。

20120606 - •●❤倫敦遊(4) London Eye, Big Ben❤●•

6月6日星期三。

坐火車返去Waterloo 站，行去London Eye，如果坐underground，除了Waterloo站之外 Charing Cross都近的，我哋的火車到Waterloo，不用轉車，
落車見唔到London Eye，都要問人先行到。
行去途中又落雨，曬完陣過雲雨之後又天朗氣清，藍天白雲。
行到去個London Eye都好多遊客。

 入場費要18.9鎊，好貴，其實唔係好捨得坐，不過熊覺得一場嚟到一定要坐吓。

 地,下仲係濕透的，之前場雨真係好大。

 排隊上去大約3個字，上到去時天氣好好。好清，可以睇到倫敦大部分的地方。

 呢卡就係我地隔離卡的，一卡大約坐廿人左右。

 London eye位於SouthBank座落於泰吾士河 River Thames隔著西敏寺橋與國會大廈，所以上到頂可以看到橋，big ben 等。

 坐完London Eye之後就沿River Thames河邊行，見到Big Ben, the Parliament House等建築群，可是背光.....影得唔靚。

 經過條橋，橫過泰吾士河，回頭看剛才的London Eye，好靚呀，旅遊書的景象就在眼前。

 London Eye的對面岸就是Big Ben 同埋the Parliament House，
如果坐underground 就在Westminster 西敏寺站出好近。

大笨鐘，國會大廈不是我們平常看到新聞報導關於英國時會出現的畫面嗎？
現在我同熊可以親身去到，好開心。

 Big Ben 有四面，揀面唔背光，最靚的一面去影。

 個鐘指住八點三，是晚上八點三，因為英國位於高緯度，夏天就是日長夜短，九點十點先天黑，所以我們在夏天到英國可以有多點時間遊玩。

 再行過一點就是Westminster Abbey西敏寺， 那是 Prince William 同Kate Middleton結婚的地方 (2011.4.29)。

 西敏寺是著新教教堂，它的歷史就是倫敦乃至英國歷史的縮影。西敏寺宏偉、壯觀，是英國歌德式建築的傑作，也是英國歷史文物的集萃之地。西敏寺的前身是隱修院，13世紀英國國王亨利三世下令採用當時的哥特式風格對教堂進行改建。1245年動工，1517年基本完工。教堂的平面呈拉丁十字型，總長156年，寬22米；大穹窿頂高31米，鐘樓高68.5米。教堂的柱廊宏偉凝重，雙塔高聳挺拔。堂內裝飾精緻華麗，玻璃窗五彩繽紛。西敏寺不僅是宗教聖地，而且是英國王室的活動場所。從11世紀勝利王威廉開始，除愛德華五世和愛德華八世外，其他英國國王都在此加冕登基。王室的結婚、葬禮等儀式也在這裡舉行。西敏寺不僅是20多位英國國王的墓地，也是一些著名政治家、科學家、軍事家、文學家的墓地。

 影完一輪相之後未知食咩好，又唔想去酒巴食，於是行番去酒店附近睇吓有咩食，經過Harrods 百貨，
九點半才差不多入黑，著燈好靚，由於都夜了，冇咩好食。

最後去咗Pret A Manger食飽咋。夜咗的英國只有酒巴最旺場，其他食店冇咩好食呢。尤其呢條街都唔係太多嘢食。